ଆୟକର ଆଇନଧାରା 80Gରେ ଟ୍ରଷ୍ଟ ସାମିଲ୍ , ରାମଜନ୍ମ ଭୂମି ଦାନରୁ ହେଲା ଟିକସ୍ ଛାଡ !

ଶ୍ରୀ ରାମ ଜନ୍ମଭୂମି ତୀର୍ଥ କ୍ଷେତ୍ରର ଟ୍ରଷ୍ଟକୁ କେନ୍ଦ୍ର ସରକାରଙ୍କ ବିଜ୍ଞପ୍ତି। ଅଯୋଦ୍ଧାରେ ରାମ ଲାଲାଙ୍କ ମନ୍ଦିର ନିର୍ମାଣ ପାଇଁ ଯେଉଁ ବ୍ୟକ୍ତିଅର୍ଥ ଦାନ କରୁଛନ୍ତି 2020-21 ଆର୍ଥିକ ବର୍ଷ ପାଇଁ ସେମାନଙ୍କ ଆୟକର ଟିକସ ଛାଡ କରି ଦିଆଯିବ।

ନୂଆଦିଲ୍ଲୀ: ଶ୍ରୀ ରାମ ଜନ୍ମଭୂମି ତୀର୍ଥ କ୍ଷେତ୍ରର ଟ୍ରଷ୍ଟକୁ କେନ୍ଦ୍ର ସରକାରଙ୍କ ବିଜ୍ଞପ୍ତି। ଅଯୋଦ୍ଧାରେ ରାମ ଲାଲାଙ୍କ ମନ୍ଦିର ନିର୍ମାଣ ପାଇଁ ଯେଉଁ ବ୍ୟକ୍ତି ଅର୍ଥରାଶି ଦାନ କରିଛନ୍ତି 2020-21 ଆର୍ଥିକ ବର୍ଷ ପାଇଁ ସେମାନଙ୍କ ଆୟକର ଟିକସ ଛାଡ କରି ଦିଆଯିବ। ଯଦି ଆପଣ ମଧ୍ୟ ଏହି ଦାନ ଲିଷ୍ଟରେ ସାମିଲ ଅଛନ୍ତି ତେବେ ଖୁସି ହୋଇଯାଆନ୍ତୁ।

ରାମ ଜନ୍ମଭୂମି କ୍ଷେତ୍ର ଉପରେ ବର୍ତ୍ତମାନ କେନ୍ଦ୍ର ସରକାର ବିଶେଷ ଦୃଷ୍ଟି ରଖିଛନ୍ତି। ସରକାର ଆୟକର ଆଇନର ଧାରା 80Gକୁ ଏଠାକାର ଟ୍ରଷ୍ଟରେ ସାମିଲ୍ କରିଛନ୍ତି। ଶ୍ରୀ ରାମ ଜନ୍ମଭୂମି ତୀର୍ଥକ୍ଷେତ୍ର ଟ୍ରଷ୍ଟକୁ ସୁଦୃଢ ରଖିବାକୁ ସରକାର ନିଷ୍ପତ୍ତି ନେଇଛନ୍ତି। ଏହି ନିଷ୍ପତ୍ତି ସହିତ, 2020-21 ଆର୍ଥିକ ବର୍ଷ ପାଇଁ ଆୟକରର ଉକ୍ତ ବ୍ୟବସ୍ଥା ଅନୁଯାୟୀ ଟ୍ରଷ୍ଟକୁ ଦିଆଯାଇଥିବା ଦାନକୁ ଛାଡ କରାଯାଇଛି।

ଆୟକର ଆଇନଧାରା 80Gରେ ଟ୍ରଷ୍ଟ ସାମିଲ୍ , ରାମଜନ୍ମ ଭୂମି ଦାନରୁ ହେଲା ଟିକସ୍ ଛାଡ !

କେନ୍ଦ୍ରୀୟ ବୋର୍ଡ ଅଫ୍ ଡାଇରେକ୍ଟ ଟ୍ୟାକ୍ସ (ସିବିଡିଟି) ଆୟକର ଅଧିନିୟମର ଧାରା 80 G ଅନୁଯାୟୀ ଦାନକୁ ଟିକସ ଛାଡ କରିବାକୁ ଅନୁମତି ଦେଇଛି। ଏହି ଐତିହାସିକ ନିଷ୍ପତ୍ତି ଧାର୍ମିକ ଇତାହାସରେ ଗୁରୁତ୍ୱପୂର୍ଣ୍ଣ ସ୍ଥାନ ଵଜାୟ ରଖିଵ ଵୋଲି ଆଶା କରାଯାଉଛି।

ଉଲ୍ଲେଖଯୋଗ୍ୟ, ଧାରା 80G ଅନୁଯାୟୀ ଟିକସ ବ୍ରେକ୍ ଦାନ କରାଯାଇଥିବା ପରିମାଣକୁ ଟିକସଯୋଗ୍ୟ ଆୟରୁ କାଟିବାକୁ ଅନୁମତି ଦେଇଥାଏ, କିନ୍ତୁ ଟିକସ ବ୍ରେକ ଦାବିରେ କିଛି ସର୍ତ୍ତ ଏବଂ ପ୍ରତିବନ୍ଧକ ରହିଛି।

ଅଯୋଧ୍ୟାରେ ରାମ ମନ୍ଦିର ନିର୍ମାଣ ପାଇଁ ଶ୍ରୀରାମ ଜନ୍ମଭୂମୀ ତୀର୍ଥ କ୍ଷେତର ଟ୍ରଷ୍ଟ ନିର୍ମାଣ କରାଯାଇଛି। ନଭେମ୍ବର 9 ରେ ସୁପ୍ରିମକୋର୍ଟଙ୍କ ରାମ ଜନ୍ମଭୂମି-ବାବ୍ରି ମସଜିଦ ମାମଲାର ସମାଧାନ ହେବା ପରେ ମୋଦୀ ସରକାର ଏକ 15 ଜଣିଆ ଟ୍ରଷ୍ଟ ଗଠନ କରିଥିଲେ।

ଏହାର ପ୍ରଥମ ବୈଠକରେ ଶ୍ରୀ ରାମ ଜନମଭୂମୀ ତୀର୍ଥ କ୍ଷେତ୍ରର ଟ୍ରଷ୍ଟ ନିତ୍ୟ ଗୋପାଳ ଦାସଙ୍କୁ ଏହାର ସଭାପତି, ଚମ୍ପତ ରାୟ ସାଧାରଣ ସମ୍ପାଦକ ଭାବରେ ମନୋନୀତ କରାଯାଇଥିଵା ଵେଳେ ଗୋବିନ୍ଦ ଦେବ ଗିରି ଏହାର କୋଷାଧ୍ୟକ୍ଷ ଭାବରେ କାର୍ଯ୍ୟ ନିର୍ଵାହ କରୁଛନ୍ତି।

ସୁପ୍ରିମକୋର୍ଟର ବରିଷ୍ଠ ଓକିଲ କେ ପରସାରନ୍ ଟ୍ରଷ୍ଟି ବୋର୍ଡର ମୁଖ୍ୟ ହୋଇଥିବା ବେଳେ ଟ୍ରଷ୍ଟର ଅନ୍ୟ ସଦସ୍ୟମାନେ ହେଉଛନ୍ତି: ଜଗତ୍ ଗୁରୁ ଶଙ୍କରାଚାର୍ଯ୍ୟ, ଭାସୁଦେବନନ୍ଦ ସରସ୍ୱତୀ ଜୀ ମହାରାଜ, ଜଗତଗୁରୁ ମାଧବଚାର୍ଯ୍ୟ ସ୍ଵମୀ, ବିଶ୍ୱ ପ୍ରସନ୍ନ ମହାରାଜ, ହରିଦ୍ୱାରରୁ ଜୀ ମହାରାଜ, ପୁଣେର ସ୍ୱାମୀ ଗୋବିନ୍ଦଦେବ ଗିରି ଜି ମହାରାଜ ଏବଂ ଅଯୋଧ୍ୟାରୁ ଭିମଲେନ୍ଦ୍ର ମୋହନ ପ୍ରତାପ ମିଶ୍ର।

ଏହାପୂର୍ବରୁ ଏପ୍ରିଲ୍ 8 ରେ ଟ୍ରଷ୍ଟ ଅଯୋଧ୍ୟାରେ ହନୁମାନ ଜୟନ୍ତୀ ଅବସରରେ ଏହାର ଅଫିସିଆଲ୍ ଲୋଗୋ ମଧ୍ୟ ପ୍ରକାଶ କରିଥିଲା। ଏହି ଲୋଗୋରେ ସୂର୍ଯ୍ୟଙ୍କ ଏକ ଫଟୋଗ୍ରାଫ୍ ରହିଛି ଯାହାକି ସଂସ୍କୃତ ଭାଷାରେ ଲୋଗୋ ସହିତ ଘେରି ରହିଥିବା ପ୍ରଭୁ ରାମଙ୍କ ଫଟୋ ସହିତ "ରାମୋ ଭିଗ୍ରାହବନ୍ ଧର୍ମ" (ପ୍ରଭୁ ରାମ ଧର୍ମର ପ୍ରତୀକ) ବୋଲି ଦର୍ଶାଇଛନ୍ତି।

କଣ ଏହି ଧାରା 80 ଜି ?

ଆୟକର ଆଇନ 1961ର ସେକ୍ସନ-80(ଜି) ଅନୁସାରେ, ଏକ କମ୍ପାନୀ କିମ୍ବା ଦାନସଂସ୍ଥା ଦେଇଥିବା ଦାନ ଉପରେ ଟିକସ ଛାଡ ପାଇପାରିବ। କିନ୍ତୁ ଏହି ଦାନ ଅର୍ଥରାଶି ସମ୍ପର୍କୀତ ସମସ୍ତ ତଥ୍ୟ ସରକାରଙ୍କ ନିକଟରେ ପଞ୍ଜୀକୃତ ରହିଥିବା ଜରୁରୀ। ଜଣେ ବ୍ୟକ୍ତି ଏହି ଦାନରାଶି ଚେକ୍ କିମ୍ବା ନଦଗ ଅର୍ଥରାଶିରେ ଦେଇପାରିବ।