ହସ୍ପିଟାଲରେ ମୋବାଇଲ ଧରିପାରିବେ କୋରୋନା ଆକ୍ରାନ୍ତ, ଅନୁମତି ଦେଲା କେନ୍ଦ୍ର

ଡାକ୍ତରଖାନାରେ ଭର୍ତ୍ତି COVID-19 ରୋଗୀ ଏବେ ଧରିପାରିବେ ସ୍ମାର୍ଟଫୋନ ଏବଂ ଟାବଲେଟ୍ । ଏନେଇ କେନ୍ଦ୍ର ସରକାର ସମସ୍ତ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳକୁ ଦେଲେ ଅନୁମତି । ଅଧିକ ପଢନ୍ତୁ...

ନୂଆଦିଲ୍ଲୀ: ଡାକ୍ତରଖାନାରେ ଭର୍ତ୍ତି COVID-19 ରୋଗୀ ଏବେ ଧରିପାରିବେ ସ୍ମାର୍ଟଫୋନ ଏବଂ ଟାବଲେଟ୍ । ଏନେଇ କେନ୍ଦ୍ର ସରକାର ସମସ୍ତ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳକୁ ଦେଲେ ଅନୁମତି । ଫଳରେ ସେମାନେ ଭିଡିଓ କନଫରେନ୍ସିଂ ମାଧ୍ୟମରେ ସେମାନଙ୍କ ପରିବାର ଏବଂ ବନ୍ଧୁମାନଙ୍କ ସହ ଯୋଗାଯୋଗ କରିପାରିବେ। ଯାହା ରୋଗୀଙ୍କୁ ମାନସିକ ସହାୟତା ପ୍ରଦାନ କରିବ ବୋଲି ଆଶା କରାଯାଉଛି ।

ଡାକ୍ତରଖାନା ପ୍ରଶାସନ ଦ୍ବାରା ମୋବାଇଲ୍ ଫୋନ୍ ଅନୁମତି ଦିଆଯାଉ ନାହିଁ ବୋଲି ଅଭିଯୋଗ କରି ରୋଗୀଙ୍କ ସମ୍ପର୍କୀୟଙ୍କ କିଛି ପ୍ରତିନିଧିତ୍ୱ ପରେ ଏହି ଚିଠି ଜାରି କରାଯାଇଛି। ରାଜ୍ୟ ତଥା ୟୁ.ଟି.ର ସ୍ୱାସ୍ଥ୍ୟ ଏବଂ ଡାକ୍ତରୀ ଶିକ୍ଷାର ମୁଖ୍ୟ ସଚିବମାନଙ୍କୁ ସ୍ୱାସ୍ଥ୍ୟ ମନ୍ତ୍ରଣାଳୟର ସ୍ୱାସ୍ଥ୍ୟ ସେବା ମହାନିର୍ଦ୍ଦେଶକ ଡ. ରାଜୀବ ଗର୍ଗ କହିଛନ୍ତି ଯେ, ରୋଗୀ ଏବଂ ସେମାନଙ୍କ ପରିବାର ମଧ୍ୟରେ ଯୋଗାଯୋଗ କରିବା ପାଇଁ ଉପକରଣକୁ ବିଶୁଦ୍ଧ କରିବା ଏବଂ ସମୟ ସ୍ଲଟ୍ ବଣ୍ଟନ ପାଇଁ ଉପଯୁକ୍ତ ପ୍ରୋଟୋକଲ୍ ପ୍ରସ୍ତୁତ କରାଯିବା ଆବଶ୍ୟକ ।

ସେ ଆହୁର ମଧ୍ୟ କହିଛନ୍ତି ଯେ COVID-19 ୱାର୍ଡ ଏବଂ ଆଇସିୟୁରେ ଭର୍ତ୍ତି ରୋଗୀଙ୍କ ମାନସିକ ଆବଶ୍ୟକତା ଉପରେ ପ୍ରଶାସନିକ ଏବଂ ଡାକ୍ତରୀ ଦଳ ପ୍ରତିକ୍ରିୟାଶୀଳ ହେବା ଉଚିତ୍।