ନୂଆଦିଲ୍ଲୀ: କୋରୋନା ମୁକାବିଲା ପାଇଁ କେନ୍ଦ୍ରୀୟ ପବ୍ଲିକ ସେକ୍ଟର ଏଣ୍ଟରପ୍ରାଇଜେସ (CPSE) ପିଏମ କେୟାର୍ସ ଫଣ୍ଡକୁ 925 କୋଟି ଟଙ୍କା ପ୍ରଦାନ କରିବ । ଏନେଇ ଏଣ୍ଟରପ୍ରାଇଜେସ ପକ୍ଷରୁ ସୂଚନା ଦିଆଯାଇଛି । ଏହି ଏଣ୍ଟରପ୍ରାଇଜେସ ଶକ୍ତି ମନ୍ତ୍ରଣାଳୟ ଏବଂ ନବୀକରଣ ଯୋଗ୍ୟ ଶକ୍ତି ମନ୍ତ୍ରଣାଳୟ ଅଧୀନରେ ରହିଛି ।
ଭାରତରେ କୋରୋନା ପଜିଟିଭଙ୍କ ସଂଖ୍ୟା ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ଏହାର ମୁକାବିଲା କରିବା ପାଇଁ ପ୍ରଧାନମନ୍ତ୍ରୀ ଦେଶକୁ ଲକ ଡାଉନ ଘୋଷଣା କରିଛନ୍ତି । ଏଥିପାଇଁ ଦେଶରେ ଅଚଳାବସ୍ଥା ଲାଗିରହିଛି । କେବଳ ଜରୁରୀକାଳୀନ ଦ୍ରବ୍ୟ ଓ ସେବାକୁ ଛାଡି ଅନ୍ୟ ସମସ୍ତ କାରବାର ବନ୍ଦ ରହିଛି । ପୂର୍ବରୁ ପ୍ରଧାନମନ୍ତ୍ରୀ କୋରୋନା ମୁକାବିଲାକୁ ସହଜ କରିବା ପାଇଁ ପିଏମ କେୟାରର୍ସ ଫଣ୍ଡ ଗଠନ କରି ସହାୟତା ପ୍ରଦାନ କରିବାକୁ ନିବେଦନ କରିଥିଲେ ।