ଶ୍ରୀନଗର: ଜମ୍ମୁ-କାଶ୍ମୀରରୁ ଧାରା 370 ଉଚ୍ଛେଦ ପରଠାରୁ ଘାଟିରେ ଅଶାନ୍ତି ସୃଷ୍ଟି କରୁଛି ପାକିସ୍ତାନ । ନିୟନ୍ତ୍ରଣ ରେଖାରେ ଲଗାତାର ଅସ୍ତ୍ରବିରତି ଉଲଙ୍ଘନ କରି ଭାରତୀୟ ସେନାର ଶିବିର ଗୁଡିକୁ ଟାର୍ଗେଟ କରୁଛି । ଆଜି(ରବିବାର)ମଧ୍ୟ ରଜୌରି ଜିଲ୍ଲାର ସୁନ୍ଦରବନି ଏବଂ ନୌସେରା ସେକ୍ଟରରେ ପାକ୍ ସେନା ଅସ୍ତ୍ରବିରତି ଉଲଙ୍ଘନ କରିଛନ୍ତି । ଭାରତୀୟ ସେନାର ଶିବିରକୁ ଟାର୍ଗେଟ କରି ଗୁଳିମାଡ କରିଛନ୍ତି ପାକ୍ ସେନା । ତେବେ ଭାରତ ପକ୍ଷରୁ କଡା ଜବାବ ଦିଆଯାଇଛି ।
ପୁଣି ରଜୌରିରେ ପାକ୍ର ଅସ୍ତ୍ରବିରତି ଉଲଙ୍ଘନ
ରଜୌରି ଜିଲ୍ଲାର ସୁନ୍ଦରବନି ଏବଂ ନୌସେରା ସେକ୍ଟରରେ ପାକ୍ ସେନା ଅସ୍ତ୍ରବିରତି ଉଲଙ୍ଘନ କରିଛନ୍ତି । ଭାରତୀୟ ସେନା ଶିବିରକୁ ଟାର୍ଗେଟ କରି ଗୁଳିମାଡ କରିଛି ପାକ ସେନା ।
ଫାଇଲ ଫଟୋ
କାଶ୍ମୀର ଘାଟିରେ ଅଶାନ୍ତି ସୃଷ୍ଟି କରିବା ପାଇଁ ଆତଙ୍କବାଦୀଙ୍କୁ ସୀମାରେ ଅନୁପ୍ରବେଶ କରିବାରେ ସାହାଯ୍ୟ କରୁଛି ପାକିସ୍ତାନ । ତେଣୁ ଲଗାତାର ନିୟନ୍ତ୍ରଣ ରେଖାରେ ଗୁଳିମାଡ ଜାରି ରଖିଛନ୍ତି ପାକ୍ ସେନା । ସୂଚନାଯୋଗ୍ୟ ଯେ, ଶନିବାର ଜମ୍ମୁ କଶ୍ମୀର ରଜୌରୀ ଜିଲ୍ଲାର ନୌଶେରା ସେକ୍ଟରରେ ପାକିସ୍ତାନ ଅସ୍ତ୍ରବିରତି ଉଲ୍ଲଙ୍ଘନ କରିଥିଲା । ଏଥିରେ ଭାରତୀୟ ସେନାର ଜଣେ ଯବାନ ଶହୀଦ ହୋଇଥିଲେ ।