ଟ୍ରକ ତଳେ ଚାପି ହୋଇ ଗୋଟିଏ ପରିବାରର 5 ମୃତ

ମଧ୍ୟପ୍ରଦେଶ ବଡୱାନୀ ଜିଲ୍ଲାର ମଣ୍ଡୱାଡା ନିକଟରେ କାର ଓ ଟ୍ରକ ମଧ୍ୟରେ ଧକ୍କା ହେବାରୁ ଗୋଟିଏ ପରିବାରର 5 ଜଣଙ୍କ ମୃତ୍ୟୁ ହୋଇଛି।

ଭୋପାଳ: କାର ଓ ଟ୍ରକ ଧକ୍କାରେ ଗୋଟିଏ ପରିବାରର 5 ଜଣଙ୍କ ମୃତ୍ୟୁ ହୋଇଛି। ମଧ୍ୟପ୍ରଦେଶ ବଡୱାନୀ ଜିଲ୍ଲାର ମଣ୍ଡୱାଡା ନିକଟରେ ଘଟିଛି ଏଭଳି ଦୁଃଖଦ ଘଟଣା । ଏକ ବିବାହ ଉତ୍ସବକୁ ଯୋଗଦେବାକୁ ଯାଉଥିବା ବେଳେ ଏହି ଅଘଟଣ ଘଟିଥିବା ଜଣାପଡିଛି ।

କାରରେ ଥିବା ସମସ୍ତ ବକ୍ତି ମଧ୍ୟପ୍ରଦେଶ ଖରଗୋନ ଜିଲ୍ଲାର କଶରୱାଡରେ ଅନୁଷ୍ଠିତ ଏକ ବିବାହ ଉତ୍ସବରେ ଯୋଗ ଦେବାକୁ ଯାଉଥିଲେ । ମଣ୍ଡୱାଡ ନିକଟରେ କାର ଓ ଚ୍ରକ ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା । ଫଳରେ କାରରେ ଥିବା 5 ଜଣଙ୍କ ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ଆହତ ହୋଇଥିଲେ । ତେବେ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଆହତଙ୍କୁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରିଛି।