କୋଠା ଭୁଶୁଡି 4 ମୃତ

ଶୁକ୍ରବାର ଗୁଜୁରାଟର ପ୍ରଗତିନଗର ନଦିୟାଡ ଅଞ୍ଚଳରେ ବିଳମ୍ବିତ ରାତିରେ ଏକ ତିନି ମହଲା କୋଠା ଭୁଶୁଡି ପଡିଛି।ଏଥିରେ 4 ଜଣଙ୍କ ମୃତ୍ୟୁ ହୋଇଥିବା ବେଳେ, ଅନେକ ଲୋକ ମାଟି ତଳେ ଚାପି ହୋଇଥିବା ନେଇ ଆଶଙ୍କା କରାଯାଉଛି।

ଅହମଦାବାଦ: ଗୁଜୁରାଟର ପ୍ରଗତିନଗର ନଦିୟାଡ ଅଞ୍ଚଳରେ ବଡ ଧରଣର ଅଘଟଣ । ଶୁକ୍ରବାର ବିଳମ୍ବିତ ରାତିରେ ଏକ ତିନି ମହଲା କୋଠା ଭୁଶୁଡି ପଡିବାରୁ 4 ଜଣଙ୍କ ମୃତ୍ୟୁ ହୋଇଛି । ଏ ଦୁର୍ଘଟଣା ପରେ ଅନେକ ଲୋକ ମାଟି ତଳେ ଚାପି ହୋଇଥିବା ନେଇ ଆଶଙ୍କା କରାଯାଉଛି । ଘଟଣାସ୍ଥଳରେ ପ୍ରଶାସନ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଛି।

ସ୍ଥାନୀୟ ବିଧାୟକ ପଙ୍କଜଭାଇ ଦେଶାଇ ଘଟଣାସ୍ଥଳରେ ପହଞ୍ଚିଛନ୍ତି । ଉଦ୍ଧାରକାରୀ ଦଳ ଅହମଦାବାଦ ଏବଂ ଭଦୋଦରାରୁ ଆସିଛନ୍ତି। କ୍ଷତିଗ୍ରସ୍ତ ହୋଇଥିବା କୋଠାଟି ବହୁ ପୁରୁଣା ହୋଇଥିବା ବେଳେ, ପ୍ରବଳ ବର୍ଷା କାରଣରୁ ଭୁଶୁଡିଥିବା ଜଣାପଡିଛି।