କାଉଡିଆଙ୍କ ଉପରେ ଖସିପଡିଲା ପଥର, 4 ମୃତ

ଜାତୀୟ ରାଜମାର୍ଗ -94ରେ କୁଞ୍ଜାପୁରୀ ମନ୍ଦିର ପାଖରେ ଭୂସ୍ଖଳନ ହେବା ଫଳରେ ଏକ ବଡ ପଥର ଆସି କାଉଡିଆଙ୍କ ଗାଡି ଉପରେ ପଡିଥିଲା । ଫଳରେ ଘଟଣାସ୍ଥଳରେ 4 କାଉଡିଆଙ୍କ ମୃତ୍ୟୁ ହୋଇଛି ।

ଡେରାଡୁନ: ହିମାଚଳ ପ୍ରଦେଶ ଟିହରୀ ଜିଲ୍ଲାର ଜାତୀୟ ରାଜମାର୍ଗ-94ରେ ଭୂସ୍ଖଳନ ଯୋଗୁଁ 4 କାଉଡିଆଙ୍କ ମୃତ୍ୟୁ ହୋଇଛି । ଏଥିସହ 6 ଗୁରୁତରଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି ।

ଖବରମୁତାବକ, ଏକ ଗାଡିରେ 10 କାଉଡିଆ ଗଙ୍ଗୋତ୍ରୀ ଧାମରୁ ଜଳ ନେଇ ନିଜ ଗାଁ ହରିଆଣା ଅଭିମୁଖେ ଯାଉଥିଲେ । ଏହି ସମୟରେ ଜାତୀୟ ରାଜମାର୍ଗ -94ରେ କୁଞ୍ଜାପୁରୀ ମନ୍ଦିର ପାଖରେ ଭୂସ୍ଖଳନ ହେବା ଫଳରେ ଏକ ବଡ ପଥର ଆସି ଗାଡି ଉପରେ ପଡିଥିଲା । ଫଳରେ ଘଟଣାସ୍ଥଳରେ 4 କାଉଡିଆଙ୍କ ମୃତ୍ୟୁ ହୋଇଯାଇଛି । 6ଜଣ ଗୁରୁତର କାଉଡିଆଙ୍କୁ ଭାରତୀୟ ସେନା ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଛି ।

ସ୍ଥାନୀୟ ବାସିନ୍ଦାଙ୍କ ମୁତାବକ ପାହାଡ ଉପରେ ରାସ୍ତା କାମ ଚାଲୁଥିବାରୁ ଏପରି ଅଘଟଣ ଘଟିଛି ।