ଇମ୍ଫାଲ: ସାରା ବିଶ୍ବରେ କୋରୋନା ଆତଙ୍କ । ଏବେ ଭାରତରେ ମଧ୍ୟ ଧିରେ ଧିରେ କୋରୋନା କାୟା ବିସ୍ତାର କଲାଣି । ଏପରି କ୍ଷେତ୍ରରେ ସଜାଗ ହେଉଛନ୍ତି ସମସ୍ତ ନେତା ମନ୍ତ୍ରୀଙ୍କଠାରୁ ଆରମ୍ଭ କରି ସାଧାରଣ ଲୋକେ । ସେପଟେ ମଣିପୁର ଓ ମିଆଁମାର ଅନ୍ତର୍ଜାତୀୟ ସୀମାକୁ ବନ୍ଦ କରିବାର ଘୋଷଣା କରିଛନ୍ତି ମଣିପୁର ମୁଖ୍ୟମନ୍ତ୍ରୀ ଏନ ବିରେଜନ ସିଂହ ।
କୋରୋନା ଭାଇରସ୍ (COVID-19)ର ପ୍ରସାରଣ ପାଇଁ ଏକ ସତର୍କତାମୂଳକ ପଦକ୍ଷେପ ନିଆଯାଇଛି । ମିଆଁମାର ସହିତ ଅନ୍ତର୍ଜାତୀୟ ସୀମା ମୋରେହର ଗେଟ୍ ନଂ 1 ଏବଂ 2 କୁ ବନ୍ଦ କରିଦିଆଯାଇଛି | ବୋଲି ଏନ ବିରେଜନ ସିଂହ ଟ୍ବିଟର ଜରିଆରେ ସୂଚନା ଦେଇଛନ୍ତି । ମାର୍ଚ୍ଚ 9 ତାରିଖରେ ଜାରି କରାଯାଇଥିବା ନିର୍ଦ୍ଦେଶ ଅନୁଯାୟୀ, ମଣିପୁର ସରକାର ସୀମା ପାର୍ଶ୍ବରେ ଲୋକଙ୍କ ଗତିବିଧି ଉପରେ ପ୍ରତିବନ୍ଧକ ଲଗାଇଛନ୍ତି ଏବଂ ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ ସୀମା ପାର୍ଶ୍ବରେ ଥିବା ଫାଟକ ବନ୍ଦ କରି ଦିଆଯାଇଛି ।