ନୂଆଦିଲ୍ଲୀ: ଦିନ ଦୟାଲ ଉପାଧ୍ୟାୟ (ଡିଡିୟୁ) ମାର୍ଗ ସ୍ଥିତ ଭାରତୀୟ ଜନତା ପାର୍ଟି (ବିଜେପି) ମୁଖ୍ୟ କାର୍ଯ୍ୟାଳୟକୁ ବମ ଦ୍ବାରା ଉଡାଇ ଦେବାକୁ ଧମକ ଦିଆଯାଇଥିବା ଅଭିଯୋଗ ହୋଇଛି । ଖବର ପାଇ ପୋଲିସ ବିଜେପି ମୁଖ୍ୟାଳୟରେ ପହଞ୍ଚି ତନାଘନା ଆରମ୍ଭ କରିଛି । ଏନେଇ କାହାକୁ ଗିରଫ କରାଯାଇ ନଥିବା ବେଳେ ଏଭଳି କାଣ୍ଡ ଭିଆଇଥିବା ବ୍ୟକ୍ତି ମାନସୀକ ବିକାରଗ୍ରସ୍ତ ହୋଇଥାଇ ପାରେ ବୋଲି ପୋଲିସ ସନ୍ଦେହ କରୁଛି ।
ବିଜେପି ମୁଖ୍ୟ କାର୍ଯ୍ୟାଳୟ
ଆଜି (ଶନିବାର) ସକାଳ 11ଟା ସମୟରେ ବାରମ୍ବାର ବିଜେପି କାର୍ଯ୍ୟାଳୟକୁ ଫୋନ ଆସିଥିବା କହିଛନ୍ତି ଡିସିପି ମନଦୀପ ସିଂହ ରନ୍ଧାବ । ଡିସିପିଙ୍କ କହିବାନୁଯାୟୀ ଆସିଥିବା ଫୋନକୁ ଉଠାଇବା ପରେ କୌଣସି ଏକ ଅଜ୍ଞାତ ବ୍ୟକ୍ତି ଡିଡିୟୁ ମାର୍ଗରେ ଥିବା ବିଜେପି ମୁଖ୍ୟାଳୟକୁ ଉଡାଇ ଦେବାକୁ ଧମକ ଦେଉଥିଲା । ଏଭଳି ଶୁଣିବା ପରେ ଫୋନ ଉଠାଇଥିବା ବ୍ୟକ୍ତି ହଠାତ ଆଶ୍ଚର୍ଯ୍ୟ ହୋଇ ସଙ୍ଗେସଙ୍ଗେ ପୋଲିସକୁ ଖବର ଦେଇଥିଲେ ।