ନୂଆଦିଲ୍ଲୀ: ଦିଲ୍ଲୀ ଜଳ ବୋର୍ଡ କାର୍ଯ୍ୟାଳୟରେ ବିଜେପି କର୍ମୀ ଭଙ୍ଗାରୁଜା କରିଥିବା ଅଭିଯୋଗ ହୋଇଛି । ଟ୍ୟାଙ୍କର ଦୁର୍ନିତି ମାମଲାରେ ଜଳ ବୋର୍ଡ ମୁଖ୍ୟାଳୟ ସାମ୍ମାରେ ଧାରଣା ଆହ୍ବାନ କରିଥିଲା ଦିଲ୍ଲୀ ବିଜେପି । ତେବେ ଧାରଣା ଚାଲିଥିବା ବେଳେ ସେଠାରେ ଉତ୍ତେଜନା ପ୍ରକାଶ ପାଇବା ସହ ମୁଖ୍ୟାଳୟରେ ବ୍ୟାପକ ଭଙ୍ଗାରୁଜା ହୋଇଥିବା ଦେଖିବାକୁ ମିଳିଛି । ଏହି ଆକ୍ରମଣ ଓ ଭଙ୍ଗାରୁଜା ବିଜେପି କର୍ମୀ ମାନଙ୍କ ଦ୍ବାରା ହୋଇଥିବା ଜଳ ବୋର୍ଡର ଉପାଧ୍ୟକ୍ଷ ସିଧାସଳଖ ଅଭିଯୋଗ କରିଛନ୍ତି ।
ପ୍ରଦର୍ଶନ ବେଳେ ଦିଲ୍ଲୀ ଜଳ ବୋର୍ଡ କାର୍ଯ୍ୟାଳୟରେ ବ୍ୟାପକ ଭଙ୍ଗାରୁଜା , ବିଜେପି କର୍ମୀଙ୍କୁ ଦାୟୀ କଲେ ବୋର୍ଡ କର୍ତ୍ତୁପକ୍ଷ
ଏହି ଆକ୍ରମଣରେ ମୁଖ୍ୟାଳୟର ବହୁ ଆସବାବପତ୍ର, କବାଟ ଝରକା ଭାଙ୍ଗିବା ସହ ଅନେକ କର୍ମଚାରୀ ଆହତ ମଧ୍ୟ ହୋଇଛନ୍ତି । ଆହତ ମାନଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଥିବା ଜଣା ପଡିଛି ।