ଗଣ୍ଡରବାଲରେ ବିଜେପି କର୍ମୀଙ୍କୁ ଆତଙ୍କବାଦୀଙ୍କ ଗୁଳିମାଡ, PSO ମୃତ

ଗଣ୍ଡରବାଲରେ ଜଣେ ବିଜେପି କର୍ମୀଙ୍କୁ ଆତଙ୍କବାଦୀଙ୍କ ଆକ୍ରମଣ । ଘଟଣାରେ ବିଜେପି କର୍ମୀ ଜଣଙ୍କ ସୁରକ୍ଷିତ ଥିବା ବେଳେ ତାଙ୍କ ସହିତ ଥିବା ପିଏସଓ ଦେହାନ୍ତ ହୋଇଛି । ଅଧିକ ପଢନ୍ତୁ...

ଶ୍ରୀନଗର: ଜମ୍ମୁ ଓ କାଶ୍ମୀରର ଗଣ୍ଡରବାଲରେ ଜଣେ ବିଜେପି କର୍ମୀଙ୍କୁ ଆତଙ୍କବାଦୀଙ୍କ ଆକ୍ରମଣ । ଆତଙ୍କବାଦୀମାନେ ବିଜେପି କର୍ମୀଙ୍କ ଉପରେ ଗୁଳି ଚଳାଇଥିଲେ ।

ଏହି ଘଟଣାରେ ବିଜେପି କର୍ମୀ ଜଣଙ୍କ ସୁରକ୍ଷିତ ଥିବା ବେଳେ ତାଙ୍କ ସହିତ ଥିବା ପିଏସଓଙ୍କ ଦେହାନ୍ତ ହୋଇଛି । ଆତଙ୍କବାଦୀମାନେ ଗୁଳି ଚଳାଇବା ସମୟରେ ତାହା ପିଏସଓଙ୍କ ଶରୀରରେ ବାଜିଥିଲା । ତେବେ ତାଙ୍କୁ ସଙ୍ଗେସଙ୍ଗେ ହସ୍ପିଟାଲରେ ଭର୍ତ୍ତି କରାଯାଇଥିଲେ ସୁଦ୍ଧା ସେଠାରେ ଦେହାନ୍ତ ହୋଇଥିବା ସୂଚନା ମିଳିଛି ।

ଅନ୍ୟପକ୍ଷେ ପାଲଟା ଜାବାବରେ ଆତଙ୍କବାଦୀର ମଧ୍ୟ ମୃତ୍ୟୁ ହୋଇଛି । ତେବେ ନିହତ ଆତଙ୍କବାଦୀର କୌଣସି ପରିଚୟ ମିଳିନାହିଁ । କିଛି ମାସ ହେବ ଘାଟିରେ ବିଜେପି ନେତାଙ୍କୁ ଟାର୍ଗେଟ କରୁଛନ୍ତି ଆତଙ୍କବାଦୀ ।