ନୂଆଦିଲ୍ଲୀ: ସାରା ଦେଶରେ କୋରୋନା ସ୍ଥିତି ଭୟଙ୍କର ହେବାରେ ଲାଗିଛି । ଏମିତିରେ ରବିବାର କେନ୍ଦ୍ର ଗୃହମନ୍ତ୍ରୀ କୋରୋନା ପଜିଟିଭ ଚିହ୍ନଟ ହୋଇଛନ୍ତି । ଏନେଇ ସେ ନିଜ ଟ୍ବିଟର ହ୍ୟାଣ୍ଡେଲରେ ସୂଚନା ଦେଇଥିଲେ । ସେ ନିଜ ସୁସ୍ଥତା ନେଇ ପ୍ରକାଶ କରିଥିବା ବେଳେ ତାଙ୍କ ସଂସ୍ପର୍ଶରେ ନିକଟରେ ଆସିଥିବା ବ୍ୟକ୍ତିମାନଙ୍କୁ କ୍ବାରେଣ୍ଟାଇନରେ ରହିବା ପାଇଁ କିମ୍ବା ଟେଷ୍ଟ କରାଇବା ପାଇଁ ନିବେଦନ କରିଥିଲେ ।
ଗୃହମନ୍ତ୍ରୀଙ୍କ ସ୍ବାସ୍ଥ୍ୟାବସ୍ଥା ସମ୍ପର୍କରେ ଖବର ପାଇ ବିଜେପିର 3 ସାଂସଦ ହୋମ କ୍ବାରେଣ୍ଟାଇନରେ ରହିଥିବା ଜଣା ପଡିଛି । ସେମାନେ ହେଉଛନ୍ତି ସାଂସଦ ସୌମିତ୍ର ଖାନ, ନିଶିଥ ପ୍ରାମାଣିକ ଓ ରାଜ୍ୟ ମନ୍ତ୍ରୀ ବାବୁଲ ସୁପ୍ରିୟୋ । ସେମାନେ ନିଜକୁ 14 ଦିନିଆ କ୍ବାରେଣ୍ଟାଇନରେ ରଖିଥିବା ନେଇ ପ୍ରକାଶ କରିଛନ୍ତି ।