କୋଲକାତା: ପୋଲିସ ହେପାଜତରେ ଭାରତୀୟ ଜନତା ପାର୍ଟିର ସାଂସଦ ତଥା ପୂର୍ବତନ ଅଭିନେତ୍ରୀ ରୂପା ଗାଙ୍ଗୁଲିଙ୍କ ପୁ୍ଅ। ନିଶାସକ୍ତ ଗାଡି ଚଳାଉ ଥିବାବେଳେ ଦକ୍ଷିଣ କୋଲକାତାର ଏକ କ୍ଲବ ଘର କାନ୍ଥକୁ ଧକ୍କା ଦେଇଥିଲେ । ଏହି ଘଟଣାକୁ ନେଇ ପୁଅ ଆକାଶକୁ ପୋଲିସ ଗିରଫ କରିଥିବାବେଳେ ଆଜି କୋର୍ଟ ଚାଲାଣ କରାଯିବ ।
ମିଳିଥିବା ପୋଲିସ ସୂଚନା ଅନୁସାରେ, ଗୁରୁବାର ଗାଙ୍ଗୁଲିଙ୍କ ପୁଅ ଆକାଶ ଗଲ୍ଫ ଗାର୍ଡେନ କ୍ଷେତ୍ର ନିକଟରେ ଦୁର୍ଘଟଣା ଘଟିଥିଲା । ଗାଡି ଟର୍ଣ୍ଣ କରିବା ସମୟରେ କ୍ଲବ ଘରର କାନ୍ଥକୁ ଧକ୍କା ଦେଇଥିଲେ ଆକାଶ। ତେବେ ସେ ମଦ୍ୟପାନ କରି ଗାଡି ଚଳାଉଥିବା ସ୍ଥାନୀୟଲୋକେ ଅଭିଯୋଗ କରିଛନ୍ତି । ମାତ୍ର ଗାଡିର ବେଗ ଅଧିକ ଥିବା ସତ୍ତ୍ବେ ସୌଭାଗ୍ୟ ବଶତଃ ଅନେକଙ୍କ ଜୀବନ ବଞ୍ଚି ଯାଇଥିବା ସ୍ଥାନୀୟଲୋକେ କହିଛନ୍ତି ।