ସଙ୍କଟରେ ସରକାର, କ୍ରିକେଟ ଖେଳରେ ବ୍ୟସ୍ତ ବିରୋଧୀ

କୌଣସି ପରିସ୍ଥିତିରେ ଭାଙ୍ଗିବା ଅବସ୍ଥାରେ ରହିଛି କର୍ଣ୍ଣାଟକରେ କ୍ଷମତାସୀନ ଥିବା ମେଣ୍ଟ ସରକାର । ସେପଟେ କ୍ରିକେଟ ଖେଳରେ ମାତିଛନ୍ତି ବିରୋଧୀ। କୌଣସି ଏକ ରିସୋର୍ଟରେ କର୍ଣ୍ଣାଟକର ବିଜେପି ବିଧାୟକଙ୍କ କ୍ରିକେଟ ଖେଳୁଥିବାର ଦେଖିବାକୁ ମିଳିଛି।

ବେଙ୍ଗାଲୁରୁ: ଦାକ୍ଷିଣାତ୍ୟ ରାଜ୍ୟ କର୍ଣ୍ଣାଟକର ରାଜନୀତିରେ ଘଡିକେ ଘୋଡା ଛୁଟୁଛି । ବିଦ୍ରୋହୀ ବିଧାୟକଙ୍କୁ ମନାଇବାକୁ କଂଗ୍ରେସ ହେଭିୱେଟଙ୍କ ଶତଚେଷ୍ଟା ଜାରି ରହିଛି । ଏହାସହ ବାରମ୍ବାର ବିଦ୍ରୋହୀ ବିଧାୟକଙ୍କ ସହ ସାକ୍ଷାତ ଏବଂ ଆଲୋଚନା ମଧ୍ୟ ଜାରି ରହିଛି ।

ବର୍ତ୍ତମାନ ଭାଙ୍ଗିବା ପରିସ୍ଥିତିରେ ରହିଛି ଏଠାକାର ସରକାର। ସେପଟେ କ୍ରିକେଟ ଖେଳରେ ମାତିଛନ୍ତି ବିରୋଧୀ। କୌଣସି ଏକ ରିସୋର୍ଟରେ କର୍ଣ୍ଣାଟକ ବିଜେପି ବିଧାୟକଙ୍କ କ୍ରିକେଟ ଖେଳୁଥିବାର ଦେଖିବାକୁ ମିଳୁଛି । ଯାହା ଏବେ ଖୁବ୍ ଭାଇରାଲ ହେବାରେ ଲାଗିଛି ।

ସୋମବାର କର୍ଣ୍ଣାଟକ ବିଧାନସଭାରେ ନିଜର ବହୁମତ ସାବ୍ୟସ୍ତ କରିପାରନ୍ତି କଂଗ୍ରେସ-ଜେଡିଏସର ମେଣ୍ଟ ସରକାର। ଅନ୍ୟପଟେ ମୁଖ୍ୟମନ୍ତ୍ରୀ କୁମାରସ୍ବାମୀଙ୍କୁ ସଂଖ୍ୟା ଗରିଷ୍ଠତାର ପ୍ରମାଣ ଦେବା ପାଇଁ ଦାବି କରିଛି ବିଜେପି।