ଏବେ ଆପଣଙ୍କ ସ୍ମାର୍ଟଫୋନରେ ବାଜିବ ‘ମେଁ ଭି ଚୌକିଦାର’

ବିଜେପି ପକ୍ଷରୁ ‘ମେଁ ଭି ଚୌକିଦାର’ କଲର ଟ୍ୟୁନ ଲଞ୍ଚ ହୋଇଛି । ଏହି ଟ୍ୟୁନକୁ ବିଭିନ୍ନ ସେଲୁଲାର ନେଟୱର୍କର ଗ୍ରାହକ ଆକସେସ ଓ ଡାଉନଲୋଡ୍‌ କରିପାରିବେ । ଏଥିପାଇଁ ଟ୍ବିଟରରେ ବିଜେପି ପକ୍ଷରୁ ସୂଚନା ଦିଆଯାଇଛି ।

ନୂଆଦିଲ୍ଲୀ: କିଛି ଦିନ ତଳେ ବିଜେପି ପକ୍ଷରୁ ରିଲିଜ ହୋଇଥିବା ‘ମେଁ ଭି ଚୌକିଦାର’ ଗୀତ ଖୁବ ଲୋକପ୍ରିୟ ପାଲଟିଛି । ସାରା ଦେଶରେ ଏହା ଆଦୃତ ହୋଇଥିବାବେଳେ ସମସ୍ତ ବିଜେପି ନେତା ଏହାକୁ ସେମାନଙ୍କ ସୋସିଆଲ ହ୍ୟାଣ୍ଡେଲରେ ସେୟାର କରିଛନ୍ତି । ଏବେ ବିଜେପି ପକ୍ଷରୁ ଏହାର କଲର ଟ୍ୟୁନ ଲଞ୍ଚ କରାଯାଇଛି ।

ଉଲ୍ଲେଖଯୋଗ୍ୟ ଯେ କିଛି ଦିନ ତଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ‘ଚୌକିଦାର’ ଅଭିଯାନ ଆରମ୍ଭ କରିଥିଲେ । ନିଜ ନାମ ଆଗରେ ଚୌକିଦାର ଲଗାଇ ଟ୍ବିଟରରେ ସେ ନାମ ପରିବର୍ତ୍ତନ କରି ‘ଚୌକିଦାର ନରେନ୍ଦ୍ର ମୋଦି’ ରଖିଥିଲେ । ଏହାପରେ ଗତ ଶନିବାର ବିଜେପି ପକ୍ଷରୁ ‘ମେଁ ଭି ଚୌକିଦାର’ ଅଭିଯାନ ଆରମ୍ଭ ହୋଇଥିଲା । ଏଥିପାଇଁ ଦଳ ଏକ ଗୀତ ମଧ୍ୟ ରିଲିଜ କରିଥିଲା । ଯାହା ଲୋକଙ୍କ ମଧ୍ୟରେ ଖୁବ ଆଦୃତ ହୋଇଥିଲା ।

ତେବେ ଆଜି ମୋଦି ଅପରାହ୍ନ 4ଟା 30ରେ ଦେଶର 25 ଲକ୍ଷ ଚୌକିଦାରଙ୍କୁ ସମ୍ବୋଧନ କରିବେ । ଏଥିପାଇଁ ବିଜେପି ପକ୍ଷରୁ ‘ମେଁ ଭି ଚୌକିଦାର’ କଲର ଟ୍ୟୁନ ଲଞ୍ଚ ହୋଇଛି । ଏହି ଟ୍ୟୁନକୁ ବିଭିନ୍ନ ସେଲୁଲାର ନେଟୱାର୍କର ଗ୍ରାହକ ଆକସେସ ଓ ଡାଉନଲୋଡ୍‌ କରିପାରିବେ । ଏଥିପାଇଁ ଟ୍ବିଟରରେ ବିଜେପି ପକ୍ଷରୁ ସୂଚନା ଦିଆଯାଇଛି । ସାଧାରଣ ଲୋକଙ୍କ ମଧ୍ୟରେ ଗୀତ ପ୍ରତି ଆଦୃତ ଦେଖି ଏପରି ବ୍ୟବସ୍ଥା ନିଆଯାଇଛି ବୋଲି ବିଜେପି କହିଛି । ଭୋଡାଫୋନ, ଜିଓ, ଏୟାରଟେଲ ଏବଂ ଆଇଡିଆ ଗ୍ରାହକଙ୍କ କିପରି ନିଜ ଫୋନରେ ଏହାର ଲାଭ ପାଇପାରିବେ ତାହାର ସମସ୍ତ ସୂଚନା ଦିଆଯାଇଛି ।