କୋଲକାତା: ବିଜେପି ନେତା ତଥା କାଉନସିଲର ମନୀଷ ଶୁକ୍ଲା ହତ୍ୟାକାଣ୍ଡକୁ ନେଇ ପଶ୍ଚିମବଙ୍ଗ ବିଜେପି ରାଜ୍ୟପାଳ ଜଗଦୀପ ଧନଖଡଙ୍କୁ ଭେଟିଛି । ଏହି ହତ୍ୟାକାଣ୍ଡର ନିରପେକ୍ଷ ତଦନ୍ତ ପାଇଁ କେନ୍ଦ୍ରୀୟ ତଦନ୍ତକାରୀ ସଂସ୍ଥା ସିବିଆଇକୁ ତଦନ୍ତ କରିବା ପାଇଁ ଦାବି କରିଛନ୍ତି ।
ପଶ୍ଚିମବଙ୍ଗ ବିଜେପିର ବରିଷ୍ଠ ନେତା ମୁକୁଲ ରୟ,ଜୟପ୍ରକାଶ ମଜୁମଦାର ଓ ସବ୍ୟସାଚୀ ଦତ୍ତ ପ୍ରମୁଖ ରାଜ୍ୟପାଳ ଜଗଦୀପ ଧନଖଡଙ୍କୁ ଭେଟି ଏହି ହତ୍ୟାକାଣ୍ଡର ନିରପେକ୍ଷ ତଦନ୍ତ ପାଇଁ ସିବିଆଇ ତଦନ୍ତ ଦାବି କରିଛନ୍ତି । ଗତି 4 ତାରିଖ ଦିନ ପଶ୍ଚିମବଙ୍ଗର ଦକ୍ଷିଣ 24 ପ୍ରଗଣା ଜିଲ୍ଲାରେ ବିଜେପିର ଯୁବନେତା ତଥା କାଉନସିଲର ମନୀଷ ଶୁକ୍ଲାଙ୍କୁ ଗୁଳିକରି ହତ୍ୟା କରାଯାଇଥିଲା । ଏହି ହତ୍ୟାକାଣ୍ଡ ରାଜନୈତିକ ଅଭିସନ୍ଧି ରଖି ହତ୍ୟା କରାଯାଇଛି ବୋଲି କହିଛନ୍ତି ।