ଚଣ୍ଡିଗଡ: ହରିୟାଣା ବିଧାନସଭା ନିର୍ବାଚନ ପୂର୍ବରୁ ପ୍ରଚାର ଜୋରଦାର । ଜନମତ ନିଜ ଆଡକୁ ଆଣିବାକୁ ସବୁଦଳ ପ୍ରଚାରରେ ବ୍ୟସ୍ତ । ପରସ୍ପର ଆରୋପ ପ୍ରତ୍ୟାରୋପରେ ଲାଗିଛନ୍ତି ଦଳୀୟ ନେତା ।
ତେବେ ଆଜି ବିଜେପି ପାଇଁ ପ୍ରଚାର କରିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ହରିୟାଣା ଗସ୍ତରେ ଯାଉଥିବାବେଳେ ତା ପୂର୍ବରୁ ଜନନାୟକ ଜନତା ପାର୍ଟି(ଜେଜେପି) ନେତା ଦୃଷ୍ୟନ୍ତ ଚୌଟାଲାଙ୍କ ପ୍ରତିକ୍ରିୟା ସାମ୍ନାକୁ ଆସିଛି । ବିଜେପି ରାଷ୍ଟ୍ରବାଦ କଥା କହି ଭୋଟ ମାଗୁଥିବାରୁ ଏହାକୁ ଟାର୍ଗେଟ କରିଛନ୍ତି ଜେଜେପି ନେତା ।
ବିଜେପି ହରିୟାଣାରେ ରାଷ୍ଟ୍ରବାଦ କଥା ନକହୁ ବୋଲି କହିବା ସହ ଦେଶପାଇଁ ଅଧିକ ହରିୟାଣା ଯବାନ ହିଁ ଶହୀଦ ହୋଇଛନ୍ତି ବୋଲି ସେ କହିଛନ୍ତି । ଏହା ସହ ସେ କହିଛନ୍ତି,‘ଯେତିକି ଯବାନ ହରିୟାଣାରୁ ସୀମାରେ ଶହୀଦ ହୋଇଛନ୍ତି ସେତିକି ସଂଖ୍ୟକ ଯବାନ ବୋଧହୁଏ ଗୁଜରାଟରୁ ଆର୍ମିରେ ଭର୍ତ୍ତି ହୋଇନଥିବେ ।’
ଏଥି ସହିତ ହରିୟାଣାର ପ୍ରତ୍ୟେକ ଗାଁରେ ଜଣେ ଜଣେ ଶହୀଦ ରହିଛନ୍ତି । ଚୀନ ଓ ପାକିସ୍ତାନ ସୀମାରେ ପ୍ରତି 10 ଜଣ ଯବାନଙ୍କ ମଧ୍ୟରେ ଜଣେ ହରିୟାଣା ଥିବା ଦୃଷ୍ୟନ୍ତ କହିବା ସହ ରାଷ୍ଟ୍ରବାଦର ପାଠ ହରିୟାଣାରେ ନପଢାଇବାକୁ ସେ କହିଛନ୍ତି ।
