ଗ୍ୟାଙ୍ଗଟକ: ସମସ୍ତ ପ୍ରତୀକ୍ଷାର ଅନ୍ତ ଘଟାଇ ଆଜି ଭାରତୀୟ ଜନତା ପାର୍ଟି (ବିଜେପି) ଆଗାମୀ ଲୋକସଭା ନିର୍ବାଚନ ପାଇଁ ନିଜ ପ୍ରାର୍ଥୀ ତାଲିକା ଘୋଷଣା କରିଛି । ଏହି ଅବସରରେ ଦଳ ଅରୁଣାଚଳ ପ୍ରଦେଶ ଓ ସିକିମର ପ୍ରାର୍ଥୀ ତାଲିକା ପ୍ରକାଶ କରିଛି । ଦୁଇଟି ରାଜ୍ୟର ମୋଟ 18 ପ୍ରାର୍ଥୀଙ୍କ ନାମ ଘୋଷଣା ହୋଇଛି ।
ଅରୁଣାଚଳ ପ୍ରଦେଶ ଓ ସିକିମର ବିଜେପି ପ୍ରାର୍ଥୀ ତାଲିକା ଘୋଷିତ - sikkim
ଦୁଇଟି ରାଜ୍ୟର ମୋଟ 18 ପ୍ରାର୍ଥୀଙ୍କ ନାମ ଘୋଷଣା ହୋଇଛି । ଏହି ୧୮ ଜଣଙ୍କ ଭିତରୁ ୧୨ ଜଣ ସିକିମର ହୋଇଥିବାବେଳେ ବାକି ୬ ଜଣ ଅରୁଣାଚଳ ପ୍ରଦେଶର ରହିଛନ୍ତି ।
ଫଟୋ ସୌଜନ୍ୟ: ସୋସିଆଲ ମିଡିଆ/ଟ୍ୱିଟର@ଏଏନଆଇ
ଏହି ୧୮ ଜଣଙ୍କ ଭିତରୁ ୧୨ ଜଣ ସିକିମର ହୋଇଥିବାବେଳେ ବାକି ୬ ଜଣ ଅରୁଣାଚଳ ପ୍ରଦେଶର ରହିଛନ୍ତି । ଅରୁଣାଚଳ ପ୍ରଦେଶରୁ ବିଜେପି ପ୍ରାର୍ଥୀ ହେଲେ କଲାକଟାଙ୍ଗର ତେନଜିନ୍ ନୋରବୁ ତୋଙ୍ଗଡକ୍, ଇଟାନଗରରୁ କ୍ରିପା ବାବୁ, ଦୋଇମୁଖରୁ ତାନା ହଲି ତାରା, ନ୍ୟାପିନରୁ ବମାଙ୍ଗ ଫେଲିକ୍ସ, ତାଲିରୁ ଥାଜି ଗିଚାକ କିଓଗି ଏବଂ ମରିୟାଙ୍ଗ୍ ଗେକୁରୁ ଆନଙ୍ଗ ପ୍ରେମେ ଅଛନ୍ତି ।
ସେହିପରି ସିକିମରୁ ବିଜେପି ପ୍ରାର୍ଥୀ ହେଉଛନ୍ତି ଗ୍ୟାଲସିଂହ ନିର୍ବାଚନମଣ୍ଡଳୀରୁ ଭାନୁ ଭକ୍ତ ଶର୍ମା, ରିଞ୍ଚେନପୋଙ୍ଗରୁ ସାଞ୍ଚୋଲେପଚା, ଦାରାମଡିଙ୍ଗରୁ ଆରଟି ଳେପଚା, ମେଲିରୁ ଭୋଲା ଚୌହ୍ଵାନ ରହିଛନ୍ତି । ସେହିପରି ଖଙ୍ଗଡଙ୍ଗ-ସିଙ୍ଗଟମରୁ ଏସବି କାରକି, ୱେଷ୍ଟ ପେଣ୍ଡାମରୁ ବୀରେନ୍ଦ୍ର ପୌଦୟାଲି, ରେହନକରୁ ଭରତ ଦୁଲାଲ, ଚୁଜାଚେନରୁ ମୋହନ ଗୌରାଙ୍ଗ, ନାମଚେବଙ୍ଗରୁ ମିସେସ ଦେବୀ ଭସନେଟ, ମରତାମ-ରୁମତେକରୁ ଜିଗଦଲ ଭୁଟିଆ, ଆରିତହାଙ୍ଗରୁ ଡିବି ଚୌହ୍ଵାନ ଏବଂ ଗ୍ୟାଙ୍ଗଟକରୁ ୱାଇଟି ଲେପଚା ରହିଛନ୍ତି ।
Last Updated : Mar 23, 2019, 4:10 PM IST