ଥିରୁଅନନ୍ତପୁରମ:ନିଜର କାର୍ଯ୍ୟବ୍ୟସ୍ତତା ଭିତରେ ଗୋଟେ ଚା' କପ ହେଇଗଲେ, ସବୁ ଥକାପଣକୁ କ୍ଷଣିକରେ ହାଲୁକା ହୋଇଯାଏ । ସକାଳୁ ସକାଳୁ ଚା' ସହ ବିସ୍କୁଟ ଖାଇବା ପ୍ରାୟ ସଭିଙ୍କ ଭାରି ପସନ୍ଦ । ତେବେ ଚା ପିଇବା ପରେ ଚା'କପକୁ କେବେ ଆପଣ ଖାଇଛନ୍ତି କି? କଥାଟା ଶୁଣିବାକୁ ଅଜବ ଲାଗୁଥିଲେ ବି ସତ । କେରଳର ତ୍ରିସୁର ସହରରେ ଏଭଳି ଏକ ଦୃଶ୍ୟ ଦେଖିବାକୁ ମିଳିଛି । ଏଠାରେ ଜଣେ ଚା ଦୋକାନୀ ବିସ୍କୁଟରେ ତିଆରି କପରେ ଲୋକଙ୍କୁ ଚା ପିଇବାକୁ ଦେଉଛନ୍ତି।
ବିସ୍କୁଟରେ ତିଆରି ଚା' କପର ମଜା, ଗରମ ଚା' ପିଇବା ସହ ପୁରିବ ପେଟ
କେରଳର ତ୍ରିସୁର ସହରରେ ଥିବା ସ୍ବରାଜ ରୋଡର ରାଧାକ୍ରିଷ୍ଣା ବେକେରୀରେ ଏହି ଚା' କପ ବିକ୍ରି ହେଉଛି । ଚା' ପିଇବା ପରେ ଚା' କପ ଖାଇବାର ମଜା ନେବା ପାଇଁ ଏହି ବେକେରୀରେ ପ୍ରତିଦିନ ଲୋକଙ୍କ ଭିଡ଼ ଜମୁଛି। ଏନେଇ ସୋସିଆଲ ମିଡିଆ ଓ ଇଣ୍ଟରନେଟରେ ଖବର ଭାଇରାଲ ହେବା ପରେ ରାଧାକ୍ରିଷ୍ଣା ବେକେରୀ ସମ୍ପର୍କରେ ଲୋକେ ଜାଣିବାକୁ ପାଇଥିଲେ ।