କୋରୋନା ରୋକିବା ପାଇଁ ବିଲ ଗେଟ୍ସଙ୍କ ଚିନ୍ତା

କୋରୋନା ମୁକାବିଲା ପାଇଁ ଚିନ୍ତାରେ ପଡିଛନ୍ତି ମାଇକ୍ରୋସଫ୍ଟ କୋ-ଫାଉଣ୍ଡର ବିଲ ଗେଟ୍ସ । ସାରା ବିଶ୍ବକୁ କୋରୋନା ଗ୍ରାସ କରିଥିବା ବେଳେ ଏହାର ସମାଧାନ କିପରି କରାଯାଇପାରିବ ସେନେଇ ନିଜ ଭାବନା ପ୍ରକାଶ କରିଛନ୍ତି ଗେଟ୍ସ । ଅଧିକ ପଢ଼ନ୍ତୁ...

ହାଇଦ୍ରାବାଦ: କୋରୋନା ମୁକାବିଲା ପାଇଁ ଚିନ୍ତାରେ ପଡିଛନ୍ତି ମାଇକ୍ରୋସଫ୍ଟ କୋ-ଫାଉଣ୍ଡର ବିଲ ଗେଟ୍ସ । ସାରା ବିଶ୍ବକୁ କୋରୋନା ଗ୍ରାସ କରିଥିବା ବେଳେ ଏହାର ସମାଧାନ କିପରି କରାଯାଇପାରିବ ସେନେଇ ନିଜ ଭାବନା ପ୍ରକାଶ କରିଛନ୍ତି ଗେଟ୍ସ । ଏନେଇ ନିଜ ପର୍ସନାଲ ବ୍ଲଗରେ ସେ ଲେଖିଛନ୍ତି ସମାଧାନର କିଛି ବାଟ । ଏହି ବ୍ଲଗରେ ସେ କୋରୋନାକୁ ବିଶ୍ବ ଯୁଦ୍ଧର ଆଖ୍ୟା ଦେଇଛନ୍ତି ଏବଂ କହିଛନ୍ତି କି ଏହି ଯୁଦ୍ଧରେ ତଫାତ ଏତିକି କି ଏଥିରେ ସମଗ୍ର ବିଶ୍ବବାସୀ ଗୋଟିଏ ପଟେ ରହିଛନ୍ତି ।

ସେ ଏହାର ସମାଧାନ ପାଇଁ ଦ୍ବିତୀୟ ବିଶ୍ବଯୁଦ୍ଧର ଉଦାହରଣ ଦେଇ କହିଛନ୍ତି କି ସେହି ସମୟରେ ରାଡାର, ଟର୍ପେଡୋସ ଓ କୋଡ ବ୍ରେକିଂ ଭଳି ଗ୍ଲୋବାଲ ଇନୋଭେସନ ପାଇଁ ଯୁଦ୍ଧ ସମାପ୍ତ ହୋଇଥିଲା । ବର୍ତ୍ତମାନ ସମୟରେ ମଧ୍ୟ ଏହିପରି କିଛି ଗ୍ଲୋବାଲ ଇନୋଭେସନର ଆବଶ୍ୟକତା ରହିଛି । ତେବେ ବର୍ତ୍ତମାନର ପରିସ୍ଥିତିକୁ ଦୃଷ୍ଟିରେ ରଖି ଗେଟ୍ସ ଏହାକୁ 5ଟି ବିଭାଗରେ ବିଭକ୍ତ କରିଛନ୍ତି । ସେ ହେଉଛି ଚିକିତ୍ସା, ଟୀକାକରଣ, ଟେଷ୍ଟିଂ, କଣ୍ଟାକ୍ଟ ଟ୍ରେସିଂ ଓ ପଲିସି ।

ଗେଟ୍ସ କହିଛନ୍ତି ଏସମସ୍ତ ବିଭାଗ ଉପରେ ଯଦି ବ୍ୟକ୍ତିଗତ ଭାବେ କିଛି ଗ୍ଲୋବାଲ ଇନୋଭେସନ ଯୋଡାଯାଏ ତାହେଲେ ହୁଏତ ବୁଡୁଥିବା ଅର୍ଥନୀତିକୁ ବଞ୍ଚାଯାଇପାରେ । ଏଥିସହ ବିଶ୍ବ ପୁଣି ରେସକୁ ଫେରିପାରିବ । ବର୍ତ୍ତମାନ ପରିସ୍ଥିତି ବେରୋଜଗାରକୁ ବାଟ ଦେଖାଉଛି । ଯାହାକୁ ରୋକିବାକୁ ହେବ । ଅନ୍ୟପଟେ ଚିକିତ୍ସା ସମ୍ବନ୍ଧରେ ସେ କହିଛନ୍ତି କି ଲୋକଙ୍କୁ କିଛିଟା ନିୟମ ଯେପରିକି ସାମାଜିକ ଦୂରତାକୁ ମାନିବାକୁ ହେବ । ଏଥିସହ ଆକ୍ରାନ୍ତଙ୍କୁ 95 ପ୍ରତିଶତ ସୁସ୍ଥ ଅନୁଭବ ନହେବ ପର୍ଯ୍ୟନ୍ତ ଚିକିତ୍ସା ଗ୍ରହଣ କରିବାକୁ ହେବ ।

ସେପଟେ ଟିକା ଉପରେ ଆଶା ବାନ୍ଧି ବସିଥିବା ଲୋକଙ୍କ ପାଇଁ ମଧ୍ୟ ଏବେ ଚିନ୍ତା କରିବାର ସମୟ ଆସିଛି । ଲୋକଙ୍କୁ ଏଥିପାଇଁ ସାମାନ୍ୟ ଧୈର୍ଯ୍ୟର ସହ ସହଯୋଗ କରିବାକୁ ହେବ । ଏଥିପାଇଁ ବିଶ୍ବର ଶ୍ରେଷ୍ଠ ଟିକା ପ୍ରସ୍ତୁତ କରୁଥିବା ଗୋଟିଏ କିମ୍ବା ଦୁଇଟି କମ୍ପାନୀଙ୍କୁ ଖୋଜି ଦାୟିତ୍ବ ଦେବାକୁ ହେବ । ଯାହା ଦ୍ବାରା ପ୍ରକ୍ରିୟା ଆହୁରି ସରଳ ଓ ସମୟ ସାପେକ୍ଷ ହୋଇପାରିବ ।