ଶିଶୁଙ୍କ ପାଇଁ କୋଟାଠୁ ଭୟାନକ ବିକାନୀର

ଶିଶୁଙ୍କ ପାଇଁ କୋଟାଠୁ ଭୟାନକ ହେଲାଣି ବିକାନୀରର ସ୍ଥିତି। ଏଠାରେ ଶିଶୁ ମୃତ୍ୟୁ ସଂଖ୍ୟା ବଢିବାରେ ଲାଗିଛି। ଆଗକୁ ପଢନ୍ତୁ...

ଜୟପୁର: ରାଜସ୍ଥାନ କୋଟା ଶିଶୁ ମୃତ୍ୟୁ ଏବେ ବି ଥମିବାର ନାଁ ନେଉନାହିଁ। ସ୍ଥାନୀୟ ଜେକେ ଲନ ହସ୍ପିଟାଲରେ ଭୟଙ୍କର ରୂପ ନେଉଛି ଶିଶୁ ମୃତ୍ୟୁ। ଏତେ ସଂଖ୍ୟକ ଶିଶୁଙ୍କ ମୃତ୍ୟୁ ଅଭିଭାବକଙ୍କ ସହ ପ୍ରଶାସନର ଚିନ୍ତା ବଢାଇ ଦେଇଛି । ହେଲେ କେବଳ କୋଟା ନୁହେଁ ବିକାନୀରରେ ମଧ୍ୟ ସ୍ଥିତି ଏହା ଠାରୁ ଭୟଙ୍କର ପାଲଟିଛି।

ବିଗତ 31 ଦିନ ଭିତରେ ଗଲାଣି 162 ଶିଶୁଙ୍କ ଜୀବନ। ପ୍ରତିଦିନ 5ରୁ ଅଧିକ ଶିଶୁଙ୍କ ଜୀବନ ଯାଉଛି । 2219 ପିବିଏମ ଶିଶୁ ହସ୍ପିଟାଲରେ ଭର୍ତ୍ତି ହୋଇଥିଲେ। ସେମାନଙ୍କ ଭିତରୁ 162 ଜଣଙ୍କ ମୃତ୍ୟୁ ଘଟିଥିଲା। ପ୍ରାୟ 7.3 ପ୍ରତିଶତ ଶିଶୁଙ୍କ ଜୀବନ ଯାଇଛି ।

ଫାଇଲ ଫଟୋ

ଗତ ବର୍ଷ ଜାନୁୟାରୀରୁ ଡିସେମ୍ବର ପର୍ଯ୍ୟନ୍ତ ଏଠାରେ 1681 ଶିଶୁଙ୍କ ମୃତ୍ୟୁ ଘଟିଛି । 220 ବେଡ ବିଶିଷ୍ଟ ପିବିଏମ ଶିଶୁ ହସ୍ପିଟାଲରେ 140ଟି ବେଡ ଜେନେରାଲ ୱାର୍ଡରେ ରହିଛି । 72 ବେଡ ନିୟୋନେଟର କେୟାର ୟୁନିଟରେ ନବଜାତକଙ୍କ ଚିକିତ୍ସା ପାଇଁ ରହିଛି।