ପ୍ରବାସୀ ଶ୍ରମିକଙ୍କ ପାଇଁ ଟ୍ରେନ ବ୍ୟବସ୍ଥା କରିବାକୁ ବିହାର ଉପ ମୁଖ୍ୟମନ୍ତ୍ରୀଙ୍କ ଅନୁରୋଧ

ଲକଡାଉନ ମଧ୍ୟରେ ବିଭିନ୍ନ ରାଜ୍ୟରେ ଫସିରହିଥିବା ପ୍ରବାସୀ ଶ୍ରମିକ ଏବଂ ଛାତ୍ରଛାତ୍ରୀଙ୍କୁ ସ୍ବତନ୍ତ୍ର ଟ୍ରେନ ଯୋଗେ ଫେରାଇ ଆଣିବାକୁ ବିହାର ଉପ ମୁଖ୍ୟମନ୍ତ୍ରୀ ସୁଶୀଲ ମୋଦି କେନ୍ଦ୍ର ସରକାରଙ୍କୁ ଅନୁରୋଧ କରିଛନ୍ତି ।

ପାଟନା: ପ୍ରବାସୀ ଶ୍ରମିକମାନଙ୍କୁ ଟ୍ରେନ ଯୋଗେ ଆଣିବା ପାଇଁ କେନ୍ଦ୍ର ସରକାରଙ୍କୁ ଅନୁରୋଧ କଲେ ବିହାର ଉପ ମୁଖ୍ୟମନ୍ତ୍ରୀ । ଲକଡାଉନ ମଧ୍ୟରେ ବିଭିନ୍ନ ରାଜ୍ୟରେ ଫସିରହିଥିବା ପ୍ରବାସୀ ଶ୍ରମିକ ଏବଂ ଛାତ୍ରଛାତ୍ରୀଙ୍କୁ ସ୍ବତନ୍ତ୍ର ଟ୍ରେନ ଯୋଗେ ଫେରାଇ ଆଣିବାକୁ ବିହାର ଉପ ମୁଖ୍ୟମନ୍ତ୍ରୀ ସୁଶୀଲ ମୋଦି କେନ୍ଦ୍ର ସରକାରଙ୍କୁ ଅନୁରୋଧ କରିଛନ୍ତି ।

ଲକ୍ଷ ଲକ୍ଷ ପ୍ରବାସୀ ଶ୍ରମିକ ଏବଂ ଛାତ୍ରଛାତ୍ରୀଙ୍କୁ ବସ ଯୋଗେ ଆଣିବା ସମ୍ଭବ ନୁହେଁ । ଏଣୁ ସେମାନଙ୍କୁ ସ୍ବତନ୍ତ୍ର ଟେନ ଯୋଗେ ସାମାଜିକ ଦୂରତା ବଜାୟ ରଖି ରାଜ୍ୟକୁ ଫେରାଇବା ପାଇଁ ମୁଁ କେନ୍ଦ୍ର ସରକାରଙ୍କୁ ଅନୁରୋଧ କରୁଥିବା ସୁଶୀଲ ମୋଦି କହିଛନ୍ତି ।

ଏଥିସହ ସେ କହିଛନ୍ତି, ପ୍ରବାସୀ ଶ୍ରମିକ ଏବଂ ଛାତ୍ରଛାତ୍ରୀଙ୍କୁ ଫେରାଇ ଆଣିବା ପାଇଁ ରାଜ୍ୟ ସରକାରଙ୍କ ପକ୍ଷରୁ କ୍ବାରେଣ୍ଚିନ ସୁବିଧା ବିଶିଷ୍ଟ ବସ ବ୍ୟବସ୍ଥା କରାଯାଇଛି । ତେବେ ଲକଡାଉନ ମଧ୍ୟରେ ପାଖାପାଖି 27 ଲକ୍ଷ ଲୋକ ରିଲିଫ୍ ପାଇଁ ପଞ୍ଜିକୃତ କରାଇଥିବା ସୁଶୀଲ ମୋଦି କହିଛନ୍ତି ।