ପାଟନା:ବିହାର ବିଧାନସଭା ନିର୍ବାଚନର ବିଗୁଲ ବାଜିବା ପରେ ସବୁ ଦଳ ତୟାର । ନିର୍ବାଚନ ପୂର୍ବରୁ ମେଣ୍ଟ କରି ମଇଦାନକୁ ଓହ୍ଲାଇବା ପାଇଁ ସମସ୍ତେ ପ୍ରସ୍ତୁତ । ଆସନ ବୁଝାମଣା ପରେ ପ୍ରଥମ ପର୍ଯ୍ୟାୟ ନିର୍ବାଚନ ପାଇଁ ପ୍ରାର୍ଥୀ ତାଲିକା ଘୋଷଣା କରୁଛନ୍ତି ପ୍ରମୁଖ ଦଳ ।
ନିର୍ବାଚନ ପଶାପାଲିରେ ସମସ୍ତେ ଗୋଟି ଚଳାଉଥିବାବେଳେ ପ୍ରାର୍ଥୀ ଘୋଷଣା କରି ଜିତିବାର ରଣନୀତି ଚଳାଇଛନ୍ତି ପ୍ରମୁଖ ଦଳ । ଏପରି ସ୍ଥିତିରେ ମହାମେଣ୍ଟରେ ସାମିଲ ଥିବା କଂଗ୍ରେସ ମଧ୍ୟ ପଛରେ ପଡିନାହିଁ । ପ୍ରଥମ ପର୍ଯ୍ୟାୟ ନିର୍ବାଚନ ପାଇଁ ଦଳ 21 ଜଣଙ୍କ ନାମରେ ମୋହର ମାରିଛି । ପ୍ରାର୍ଥୀ ମାନଙ୍କ ପାଖକୁ ଦଳୀୟ ଟିକେଟ ପଠାଇ ଦିଆଯାଇଛି । କୁହାଯାଉଛି କି, କିଛି ପ୍ରାର୍ଥୀଙ୍କୁ ଦିଲ୍ଲୀରେ ଓ କିଛିଙ୍କୁ ପାଟନାରେ ଦଳୀୟ ଟିକେଟ ଦିଆଯାଇଛି । ଏମାନଙ୍କ ମଧ୍ୟରେ ଅନେକ ଆଜି ହିଁ ନିଜର ନାମାଙ୍କନ ଦାଖଲ କରିବେ ବୋଲି ଜଣାପଡିଛି ।
କଂଗ୍ରେସ ଖାତାକୁ ଯାଇଥିବା ଏହି ସିଟ୍ ଉପରେ ନିଜର ପ୍ରାର୍ଥୀ ଘୋଷଣା କରିଛି ଦଳ...
ବିଧାନସଭା ସିଟ୍ ପ୍ରାର୍ଥୀ
- କହଲଗାଓଁ - ଶୁଭାନନ୍ଦ ମୁକେଶ
- ବିକ୍ରମ - ସିଦ୍ଧାର୍ଥ
- ବକ୍ସର- ସଞ୍ଜୟ କୁମାର ତିୱାରୀ
- କୁଟୁମ୍ବା- ରାଜେଶ କୁମାର
- ଔରଙ୍ଗାବାଦ- ଆନନ୍ଦ ଶଙ୍କର ସିଂ
- ବଜରୀଗଞ୍ଜ-ଡ. ଶଶୀ ଶେଖର
- ସିକନ୍ଦରା- ସୁଧୀର କୁମାର
- ବରବିଘା- ଗଜାନନ ଶାହି
- ଅମରପୁର- ଜିତେନ୍ଦ୍ର ସିଂ
- ଲଖିସରାୟ- ଅମରେଶ କୁମାର ଅନିଶ
- ଚେନାରି- ମୁରାରୀ ଗୌତମ
- ହିସୁଆ- ନିତୁ ସିଂ
- ବାରସଲିଙ୍ଗଜ- ସତିଶ କୁମାର
- ସୁଲତାନଙ୍ଗଜ- ଲଲନ ଯାଦବ
- ଗୟା ଟାଉନ- ମୋହନ ଶ୍ରୀବାସ୍ତବ
- ବାଡ - ସତ୍ୟେନ୍ଦ୍ର ବହାଦୂର
- ରାଜପୁର- ବିଶ୍ବନାଥ ରାମ
- ଟିକାରି- ଅଶୋକ ଗଗନ
- କରହଗର- ମୋ.କାମରାନ
- ଚୈନପୁର- ପ୍ରକାଶ କୁମାର ସିଂ
ସୂଚନା ଥାଉକି, ବିହାରରେ ପ୍ରଥମ ପର୍ଯ୍ୟାୟ ମତଦାନ ଅକ୍ଟୋବର 28 ତାରିଖରେ ଅନୁଷ୍ଠିତ ହେବ । ନଭେମ୍ବର 3ରେ ଦ୍ବିତୀୟ ପର୍ଯ୍ୟାୟ ଓ ନଭେମ୍ବର 7ରେ ତୃତୀୟ ପର୍ଯ୍ୟାୟ ମତଦାନ ହେବ । ନଭେମ୍ବର 10 ତାରିଖରେ ଫଳାଫଳ ପ୍ରକାଶ ପାଇବ । ତେବେ ପ୍ରଥମ ପର୍ଯ୍ୟାୟରେ 71 ଆସନ, ଦ୍ବିତୀୟ ପର୍ଯ୍ୟାୟରେ 94 ଆସନ ଓ ତୃତୀୟ ପର୍ଯ୍ୟାୟରେ 78 ଆସନରେ ଭୋଟ ଗ୍ରହଣ ହେବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
