ବେଙ୍ଗାଲୁରୁ: ବେଙ୍ଗାଲୁରୁର ଡିଜେ ହାଲି ଏବଂ କେ.ଜି ହାଲି ହିଂସା ଘଟଣାରେ ଅଭିଯୁକ୍ତଙ୍କ ସଂଖ୍ୟା ବଢିବାରେ ଲାଗିଛି । ଡିଜେ ହାଲି ଏବଂ ସିସିବି ପୋଲିସ ରବିବାର ରାତିରେ କିଛି ଲୋକଙ୍କୁ ଗିରଫ କରି ତଦନ୍ତ ଜାରି ରଖିଛନ୍ତି। ଅନ୍ୟପକ୍ଷରେ, ଡିଜେ ହାଲି ଏବଂ କେ.ଜି ହାଲି ପୋଲିସ ଷ୍ଟେସନରେ ଏଫଆଇଆର ସଂଖ୍ୟା 80କୁ ବୃଦ୍ଧି ପାଇଛି।
ତେବେ ହିଂସାକାଣ୍ଡରେ ସାମିଲ ଥିବା କେତେକ ଅଭିଯୁକ୍ତ କୋର୍ଟରେ ଜାମିନ ଆବେଦନ କରିଥିବା ସୂଚନା ରହିଛି । ସେପଟେ ଡାକ୍ତରୀ ପରୀକ୍ଷା ପରେ ଅଭିଯୁକ୍ତଙ୍କୁ କୋର୍ଟରେ ହାଜର କରାଯିବ ବୋଲି ପୋଲିସ କହିଛି । 380ରୁ ଅଧିକ ଅଭିଯୁକ୍ତଙ୍କ ବିରୋଧରେ ପୋଲିସ ମାମଲା ରୁଜ୍ଜୁ କରିସାରିଛି ।