ଦିଲ୍ଲୀରେ ବର୍ଷେ ପାଇଁ ତମାଖୁ ବିକ୍ରି ବ୍ୟାନ

ଆଉ ବର୍ଷକ ପାଇଁ ଗୁଟଖା, ପାନ ମସଲା, ବିକ୍ରି ଉପରେ ଲାଗିଲା ବ୍ୟାନ । ବିକ୍ରୟ, ସଂରକ୍ଷଣ ଓ ବିତରଣ ଉପରେ ପ୍ରତିବନ୍ଧକକୁ ଆଉ ଏକ ବର୍ଷ ବୃଦ୍ଧି କଲେ ଦିଲ୍ଲୀ ସରକାର । ଅଧିକ ପଢନ୍ତୁ...

ନୂଆଦିଲ୍ଲୀ: ଆଉ ବର୍ଷକ ପାଇଁ ଗୁଟଖା, ପାନ ମସଲା, ବିକ୍ରି ଉପରେ ଲାଗିଲା ବ୍ୟାନ । ଦିଲ୍ଲୀ ସରକାର ଏହାର ଉତ୍ପାଦନ, ବିକ୍ରୟ, ସଂରକ୍ଷଣ ଓ ବିତରଣ ଉପରେ ପ୍ରତିବନ୍ଧକକୁ ଆଉ ବର୍ଷେ ବୃଦ୍ଧି କରିଛନ୍ତି । ଖାଦ୍ୟ ସୁରକ୍ଷା କମିଶନର ଡିଏନ ସିଂ ଏହି ଉତ୍ପାଦ ଗୁଡିକ ଉପରେ ନିଷେଧାଦେଶ ଜାରି କରିଛନ୍ତି । ଜନ ସ୍ବାସ୍ଥ୍ୟକୁ ଦୃଷ୍ଟିରେ ରଖି NCT (ଜାତୀୟ ରାଜଧାନୀ ଅଞ୍ଚଳ) ଏପରି ନିଷ୍ପତ୍ତି ନେଇଛି ।

ତେବେ ଜାରି ହୋଇଥିବା ନୋଟିସରେ ଏହା ଉଲ୍ଲେଖ କରାଯାଇଛି ଯେ, ସ୍ବାଦ ଯୁକ୍ତ, ସୁଗନ୍ଧିତ, କିମ୍ବା ମିଶ୍ରିତ ତମାଖୁ ଉତ୍ପାଦନ, ସଂରକ୍ଷଣ, ବଣ୍ଟନ କିମ୍ବା ବିକ୍ରୟ ଉପରେ ପୁଣି ବର୍ଷେ ପାଇଁ ବ୍ୟାନ ଲଗାଯାଇଛି । ତେବେ, ଗତ 4 ବର୍ଷ ଧରି ଖାଦ୍ୟ ସୁରକ୍ଷା ବିଭାଗ ପକ୍ଷରୁ ଏକ ନିର୍ଦ୍ଦେଶନାମା ଜାରି ହୋଇଥିଲା । ଯେଉଁଥିରେ,ତମାଖୁ, ପାନମସଲା ବିକ୍ରି ଉପରେ ପ୍ରତିବନ୍ଧକ ଲଗାଯାଇଥିଲା ।

@ ANI