ନୂଆଦିଲ୍ଲୀ: ଅଯୋଧ୍ୟାରେ ବିବାଦୀୟ ଢାଞ୍ଚା ଭାଙ୍ଗିବାର 28 ବର୍ଷ ପରେ ଆସନ୍ତା ସପ୍ତାହରେ ଅର୍ଥାତ୍ 30 ସେପ୍ଟେମ୍ବର ସୁଦ୍ଧା ବିବାଦୀୟ ଢାଞ୍ଚା ଭାଙ୍ଗିବା ପ୍ରସଙ୍ଗରେ ନିଷ୍ପତ୍ତି ନିଆଯିବ। ସୁପ୍ରିମକୋର୍ଟ ଏହି ମାମଲାର ସମାଧାନ ଓ ରାୟ ଘୋଷଣା କରିବା ପାଇଁ ଧାର୍ଯ୍ୟ କରିଛନ୍ତି । ଦୀର୍ଘ ଦିନର ବିଚାର ପରେ ସୁପ୍ରିମକୋର୍ଟ ଏହାର ସମାଧାନ ପାଇଁ ସମୟ ଧାର୍ଯ୍ୟ କରିଛନ୍ତି ।
ଏପ୍ରିଲ୍ 2017ରେ ସୁପ୍ରିମକୋର୍ଟ ଦୁଇ ବର୍ଷ ମଧ୍ୟରେ ମାମଲାର ସମାଧାନ କରିବାକୁ ଓ ଏହି ରାୟ ଶୁଣାଇବାକୁ ନିର୍ଦ୍ଦେଶ ଦେଇଥିଲେ। ଏହା ପରେ ଶୁଣାଣି ତିନିଥର ତାରିଖ ପରିବର୍ତ୍ତନ କରାଯାଇଥିଲା ଓ ଶେଷ ତାରିଖ 30 ସେପ୍ଟେମ୍ବର 2020 ସ୍ଥିର କରାଯାଇଥିଲା ।
ଭାରତର ଏହା ଅନ୍ୟତମ ପ୍ରସିଦ୍ଧ ମାମଲା । ବିବାଦୀୟ ଢାଞ୍ଚା ଭାଙ୍ଗିବା ଘଟଣାର ପ୍ରଥମ ଅଭିଯୋଗ 6 ଡିସେମ୍ବର 1992 ରେ ଶ୍ରୀ ରାମ ଜନ୍ମଭୂମୀ ସାଦର ଫୈଜାବାଦ ପୋଲିସ ଷ୍ଟେସନର ଥାନା ଅଧିକାରୀ ପ୍ରିୟମ୍ବଦା ନାଥ ଶୁକ୍ଲାଙ୍କ ଦ୍ବାରା ଦାଖଲ କରାଯାଇଥିଲା। ଦ୍ବିତୀୟ ଅଭିଯୋଗ ରାମ ଜନ୍ମଭୂମି ପୋଲିସ ଷ୍ଟେସନର ଅଧିକାରୀ ଗଙ୍ଗା ପ୍ରସାଦ ତିୱାରୀ କରିଥିଲେ ।
ଏହି ପରିପ୍ରେକ୍ଷୀରେ ବିଭିନ୍ନ ତାରିଖରେ ମୋଟ 49ଟି ଏଫ୍ଆଇଆର୍ ଦାଖଲ କରାଯାଇଥିଲା। ପରେ ମାମଲାର ତଦନ୍ତ ସିବିଆଇକୁ ହସ୍ତାନ୍ତର କରାଯାଇଥିଲା। 4 ଅକ୍ଟୋବର 1993ରେ ସିବିଆଇ ତଦନ୍ତର ସମାଧାନ କରି 40 ଅଭିଯୁକ୍ତଙ୍କ ବିରୋଧରେ ପ୍ରଥମ ଚାର୍ଜସିଟ ଦାଖଲ କରିଥିଲା। ପ୍ରାୟ ଅଢେଇ ବର୍ଷ ପରେ ଜାନୁଆରୀ 10, 1996 ରେ ଅନ୍ୟ 9 ଅଭିଯୁକ୍ତଙ୍କ ବିରୋଧରେ ଆଉ ଏକ ଅତିରିକ୍ତ ଚାର୍ଜସିଟ୍ ଦାଖଲ କରାଯାଇଥିଲା। ସମୁଦାୟ 49 ଅଭିଯୁକ୍ତଙ୍କ ବିରୋଧରେ ସିବିଆଇ ଏକ ଚାର୍ଜସିଟ୍ ଦାଖଲ କରିଛି। ଏହାର 28 ବର୍ଷର ବିଚାର ପ୍ରକ୍ରିୟାରେ 17 ଅଭିଯୁକ୍ତଙ୍କର ମୃତ୍ୟୁ ଘଟିଛି । ବର୍ତ୍ତମାନ କେବଳ 32 ଅଭିଯୁକ୍ତଙ୍କ ନିଷ୍ପତ୍ତି ନିଆଯାଇ ନାହିଁ।
