ଲକ୍ଷ୍ନୌ: ଅଯୋଧ୍ୟାରେ ରାମ ମନ୍ଦିର ନିର୍ମାଣ ନେଇ ଭକ୍ତମାନେ ମୁକ୍ତ ହସ୍ତରେ ଦାନ କରୁଛନ୍ତି। ଭବ୍ୟ ମନ୍ଦିର ନିର୍ମାଣ ପାଇଁ ଏପର୍ଯ୍ୟନ୍ତ 50 କୋଟିରୁ ଅଧିକ ଦାନ ଗ୍ରହଣ କରାଯାଇଛି। ଏହାପୂର୍ବରୁ, ରାମ ଜନ୍ମଭୂମି ନ୍ୟାସ ତା ପାଖରେ ଥିବା 12 କୋଟି ଟଙ୍କା ରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟ ଗଠନ ହେବା ପରେ ତାଙ୍କୁ ହସ୍ତାନ୍ତର କରିଥିଲା। ଟ୍ରଷ୍ଟ ଗଠନ ପରେ ଏପର୍ଯ୍ୟନ୍ତ 50 କୋଟିରୁ ଅଧିକ ଦାନ ଆକାରରେ ଜମା କରାଯାଇଛି।
ଏହା ବ୍ୟତୀତ ଟ୍ରଷ୍ଟ ଗଠନ ପରେ ଦୁଇ କ୍ୱିଣ୍ଟାଲ ରୂପା ମଧ୍ୟ ଦାନ କରାଯାଇଛି। କେବଳ ଏତିକି ନୁହେଁ, ଫୈଜାବାଦ ଟ୍ରେଜେରୀରେ ପୂର୍ବରୁ ରଖାଯାଇଥିବା ରୂପା ଏବଂ ପ୍ରାୟ 250 ଗ୍ରାମ ସୁନା ଟ୍ରଷ୍ଟକୁ ହସ୍ତାନ୍ତର କରାଯିବ। ବର୍ତ୍ତମାନ ଶ୍ରୀ ରାମ ଜନ୍ମଭୂମି ତୀର୍ଥ କ୍ଷେତ ଟ୍ରଷ୍ଟ ଏଫସିଆରଏର ସୁବିଧା ପାଇବାକୁ ଚେଷ୍ଟା କରୁଛି, ଯାହା ଦ୍ବାରା ବିଦେଶୀ ଦାତାମାନେ ରାମ ମନ୍ଦିର ପାଇଁ ଦାନ କରିପାରିବେ।