ଅଯୋଧ୍ୟା:ଆଉ କିଛି ସମୟ ପରେ ଅଯୋଧ୍ୟାରେ ରାମ ମନ୍ଦିର ନିର୍ମାଣ ପାଇଁ ଭୂମି ପୂଜନ ହେବାକୁ ଯାଉଛି । ପ୍ରଧାନମନ୍ତ୍ରୀ ମୋଦି ଭୂମି ପୂଜନ କରିବେ । ପ୍ରଧାନମନ୍ତ୍ରୀଙ୍କ ବ୍ୟତୀତ 170 ଜଣ ବିଶିଷ୍ଟ ଅତିଥି କାର୍ଯ୍ୟକ୍ରମରେ ସାମିଲ ହେବେ । ନିର୍ଦ୍ଧାରିତ ଶୁଭ ମୁହୁର୍ତ୍ତରେ ଭୂମି ପୂଜନ ସମ୍ପନ୍ନ ହେବ । ତେବେ କଣ ରହିଛି ସେହି 32 ସେକେଣ୍ଡର ଗୁରୁତ୍ବ । କାହିଁକି ଏହି 32 ସେକେଣ୍ଡରେ କରାଯିବ ଶିଳାନ୍ୟାସ ?
ଶ୍ରୀରାମ ଜନ୍ମଭୂମି ତୀର୍ଥକ୍ଷେତ୍ର ଟ୍ରଷ୍ଟର କୋଷାଧ୍ୟକ୍ଷ ସ୍ବାମୀ ଗୋବିନ୍ଦ ଦେବ ଗିରି ମହାରାଜଙ୍କ ସୂଚନା ଅନୁସାରେ ଆଜି (ବୁଧବାର) 11.40 ମିନିଟ ପରେ ନିର୍ଦ୍ଧାରିତ 32 ସେକେଣ୍ଡ ଅତ୍ୟନ୍ତ ଶୁଭ ମୁହୁର୍ତ୍ତ । ଏହି ସମୟରେ ଭୂମି ପୂଜନ ସମ୍ପନ୍ନ ହେବ ।
ସ୍ବାମୀ ଗୋବିନ୍ଦ ଦେବ ଗିରି ମହାରାଜ କହିଛନ୍ତି ଏହା ଖାଲି ମନ୍ଦିର ନିର୍ମାଣ ପାଇଁ ଭୂମି ପୂଜନ ହେଉନାହିଁ । ରାଷ୍ଟ୍ରର ପୁନଃ ନିର୍ମାଣ ପାଇଁ ଅୟମାରମ୍ଭ । କାରଣ ଭାରତବର୍ଷକୁ ଶତାଦ୍ଦୀ ଶତାଦ୍ଦୀ ଧରି ବିଦେଶୀ ଆକ୍ରମଣ କରିଛନ୍ତି । ସେହି ଆକ୍ରମଣକୁ ଦୃତଗତିରେ ପରିମାର୍ଜିତ କରିବା ପାଇଁ ଏହି ଶୁଭ ମୁହୁର୍ତ୍ତ ଆସିଛି ।
ସେହିପରି ସ୍ବାମୀ ଗୋବିନ୍ଦ ଦେବ ଗିରି ମହାରାଜ ଆହୁରି କହିଛନ୍ତି , ପ୍ରତ୍ୟେକ ଶୁଭ ମୂହୁର୍ତ୍ତ 16 ଭାଗ ହୋଇଥାଏ । ସେଥିରୁ 15 ଭାଗ ଅତି ଶୁଭ ହୋଇଥାଏ । ଯେଉଁଥିରେ 32 ସେକେଣ୍ଡ ଅତ୍ୟନ୍ତ ଶୁଭ ବା ବ୍ରହ୍ମ ବେଳା ହୋଇଥାଏ । ଆଉ ଦେଶର ରାଶି ଅନୁସାରେ ସମସ୍ତ ଅବଗଣନା କରି ଏହି 32 ସେକେଣ୍ଡ ସମୟ ନିର୍ଦ୍ଧାରଣ କରାଯାଇଛି ବୋଲି ସ୍ବାମୀ ଗୋବିନ୍ଦ ଗିରି ମହାରାଜ କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭ ଭାରତ
