ନକ୍ସା ଫାଡିବା ଘଟଣା: ଓକିଲ ରାଜୀବ ଧୱନଙ୍କ ବିରୋଧରେ ମାମଲା ଦାଏର

ଅଯୋଧ୍ୟା ମାମଲାରେ ମୁସଲିମ ପକ୍ଷର ଓକିଲ ରାଜୀବ ଧୱନଙ୍କ ବିରୋଧରେ ଦିଲ୍ଲୀ ବିଜେପିର ପୂର୍ବାଞ୍ଚଳ ମୋର୍ଚ୍ଚା ପକ୍ଷରୁ ଏନେଇ ଏକ ମାମଲା ଦାଏର ହୋଇଛି।

ନୂଆଦିଲ୍ଲୀ: ଅଯୋଧ୍ୟା ମାମଲାରେ ମୁସଲିମ ପକ୍ଷରୁ କେସ ଲଢୁଥିବା ଓକିଲ ରାଜୀବ ଧୱନଙ୍କ ବିରୋଧରେ ମାମଲା ଦାଏର କରିଛି ଦିଲ୍ଲୀ ବିଜେପିର ପୂର୍ବାଞ୍ଚଳ ମୋର୍ଚ୍ଚା। କୋର୍ଟ ପରିସରରେ ରାମ ଜନ୍ମଭୂମି-ବାବ୍ରି ମସଜିଦ ବିବାଦ ଜଡିତ ଏକ ନକ୍ସା ଫାଡିଦେବା ଘଟଣାରେ ତାଙ୍କ ବିରୋଧରେ ଅଭିଯୋଗ ଆଣିଛି ବିଜେପି।

ଗତ ବୁଧବାର ଅଯୋଧ୍ୟା ମାମାଲାର ଶେଷ ଶୁଣାଣୀ ଚାଲିଥିବା ସମୟରେ ଅଖିଳ ଭାରତୀୟ ହିନ୍ଦୁ ମହାସଭା ଦ୍ବାରା ଦିଆଯାଇଥିବା ଏକ ନକ୍ସାକୁ ରାଜୀବ ଧୱନ କୋର୍ଟ ଭିତରେ ଫାଡି ଦେଇଥିଲେ।