ରାଜ୍ୟରେ ସ୍ବାଇନ ଫ୍ଲୁ ମାମଲାର ତଦନ୍ତ ପାଇଁ ନିର୍ଦେଶ ଦେଲେ ଆସାମ ମୁଖ୍ୟମନ୍ତ୍ରୀ

ସାରା ବିଶ୍ବରେ ମହମାରୀ କୋରୋନା ତାଣ୍ଡବ ରଚୁଥିବାବେଳେ ଆସାମରେ ଅନେକ ଲୋକ ସ୍ବାଇନ ଫ୍ଲୁରେ ଆକ୍ରାନ୍ତ ହୋଇଛନ୍ତି । ଏହି ମାମଲାର ଖୁବ ତଦନ୍ତ କରିବାକୁ ସରକାର ନିର୍ଦ୍ଦେଶ ଦେଇଛନ୍ତି ।

ଗୌହାଟୀ: ଆସାମ ମୁଖ୍ୟମନ୍ତ୍ରୀ ସରବାନନ୍ଦ ସୋନୋୱାଲ ପଶୁପାଳନ ଏବଂ ପ୍ରାଣୀ ଚିକିତ୍ସା ବିଭାଗକୁ ରାଜ୍ୟରେ ସ୍ବାଇନ ଫ୍ଲୁ ମାମଲାର ତଦନ୍ତ କରିବାକୁ ଏବଂ ଶୀଘ୍ର ଏହାର ପ୍ରତିକାର ପାଇଁ କହିଛନ୍ତି ।

ବିଭାଗର ବରିଷ୍ଠ ଅଧିକାରୀ ତଥା ବୈଜ୍ଞାନିକମାନଙ୍କ ସହ ଏକ ବୈଠକ ବେଳେ ସୋନୋୱାଲ ପ୍ରଭାବିତ ଘୁଷୁରିର ନମୁନାକୁ ଭୋପାଳର ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ହାଇ ସିକ୍ୟୁରିଟି ପଶୁ ରୋଗ (NIHSAD) କୁ ପଠାଇବାକୁ ନିର୍ଦ୍ଦେଶ ଦେଇଛନ୍ତି ।

ତେବେ ସୂଚନାନୁଯାୟୀ, ସ୍ୱାଇନ୍ ଫ୍ଲୁ ଚଳିତ ବର୍ଷ ରାଜ୍ୟର କିଛି ଅଞ୍ଚଳରେ ଆକ୍ରାନ୍ତ ହୋଇଛି । ଏପଟେ ମହାମାରୀ ନେଇ ସାରା ବିଶ୍ବ ଚିନ୍ତିତ ଥିବା ବେଳେ କୌଣସି ବି ଜିନିଷକୁ ଅଣଦେଖା କରାଯାଉ ନାହିଁ । ଆସାମରେ କୋରୋନା ସଂକ୍ରମିତଙ୍କ ସଂଖ୍ୟା ଅପେକ୍ଷାକୃତ କମ ରହିଛି ।

ସେପଟେ ସରକାର ଆସାମରେ ଘୁଷୁରି ମାଂସ ବିକ୍ରି ଏବଂ ବଣ୍ଟନ ଉପରେ ପ୍ରତିବନ୍ଧକ ଲଗାଯାଇଛି ବୋଲି କୃଷି ମନ୍ତ୍ରୀ ଅତୁଲ ବୋରା କହିଛନ୍ତି ।