ନାଳନ୍ଦା: ପ୍ଲାଷ୍ଟିକ ବିରୋଧରେ ସାରା ଦେଶରେ ଜାରି ରହିଛି ସଂଗ୍ରାମ । ପୂର୍ବରୁ ସଚେତନତା କାର୍ଯ୍ୟକ୍ରମ ମାଧ୍ୟମରେ ଲୋକଙ୍କୁ ସଚେତନତା କରାଯାଉଥିଲା । ହେଲେ ଏବେ ବଦଳିଛି ସମୟ । ଲୋକେ ନିଜ ଆଡୁ ପ୍ଲାଷ୍ଟିକ ବିରୋଧରେ ଲଢେଇ କରୁଛନ୍ତି । ସେଭଳି ଜଣେ ବ୍ୟକ୍ତିତ୍ବ ହେଉଛନ୍ତି ବିହାର ହିଲାସର ଜଣେ ସାମାଜିକ କର୍ମୀ । ଯିଏ ପ୍ଲାଷ୍ଟିକ ମୁକ୍ତ ସମାଜ ଗଠନ ପାଇଁ ଅଣ୍ଟା ଭିଡିଛନ୍ତି ।
ପ୍ଲାଷ୍ଟିକ ସଚେତନ ପାଇଁ ବିହାରର ନିଆରା ମଣିଷ
ପ୍ଲାଷ୍ଟିକ ବ୍ୟବହାର ସମ୍ପର୍କରେ ସଚେତନ ପାଇଁ ଆଗକୁ ଆସିଛନ୍ତି ବିହାରର ଜଣେ ସାମାଜିକ କର୍ମୀ । ସେ ହେଉଛନ୍ତି ଆଶୁତୋଷ କୁମାର ମାନବ । ଦୀର୍ଘଦିନରୁ ସେ ଚଳାଇଛନ୍ତି ପ୍ଲାଷ୍ଟିକ ବିରୋଧରେ ଅଭିଯାନ । ନବମ ଶ୍ରେଣୀ ପଢିବା ସମୟରେ ଆଶୁତୋଷ ସାମିଲ ହୋଇଥିଲେ ସାମାଜିକ କାର୍ଯ୍ୟରେ । ଅଧିକାଂଶ ସମୟରେ ବିଭିନ୍ନ ଗାଁ ପରିଭ୍ରମଣ କରନ୍ତି ସେ । ଆଉ ଲୋକଙ୍କୁ ପ୍ଲାଷ୍ଟିକ ବ୍ୟବହାର ଯୋଗୁଁ ହେଉଥିବା କୁପ୍ରଭାବ ସମ୍ପର୍କରେ କରନ୍ତି ସଚେତନ ।