କେଜ୍ରିୱାଲ ଜଣେ ଶିକ୍ଷିତ ନକ୍ସଲ: ଦିଲ୍ଲୀ ସାଂସଦ

ଦିଲ୍ଲୀର ବଦରପୁରରେ ସେପ୍ଟିକ୍ ଟାଙ୍କି ସଫା କରିବାକୁ ଯାଇଥିବା କର୍ମଚାରୀଙ୍କ ମୃତ୍ୟୁକୁ ନେଇ ଦକ୍ଷିଣ ଦିଲ୍ଲୀ ସାଂସଦ ରମେଶ ବିଧୁଡୀ ଦିଲ୍ଲୀ ସରକାର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଟାର୍ଗେଟ କରିଛନ୍ତି ।

ନୂଆଦିଲ୍ଲୀ: ଦିଲ୍ଲୀର ବଦରପୁରରେ ସେପ୍ଟିକ୍ ଟାଙ୍କି ସଫା କରିବାକୁ ଯାଇଥିବା କର୍ମଚାରୀଙ୍କ ମୃତ୍ୟୁକୁ ନେଇ ଦକ୍ଷିଣ ଦିଲ୍ଲୀ ସାଂସଦ ରମେଶ ବିଧୁଡୀ ଦିଲ୍ଲୀ ସରକାର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଟାର୍ଗେଟ କରିଛନ୍ତି । ସେ କହିଛନ୍ତି , ‘ଅରବିନ୍ଦ କେଜ୍ରିୱାଲ ଜଣେ ଶିକ୍ଷିତ ନକ୍ସଲ। ଏମାନେ ଦିଲ୍ଲୀର ଲୋକଙ୍କୁ ବୋକା ବନାଉଛନ୍ତି ଏବଂ ତାଙ୍କ ଜୀବନ ସହିତ ଖେଳୁଛନ୍ତି । ସେ ପ୍ରଚାରରେ କୋଟି କୋଟି ଟଙ୍କା ଖର୍ଚ୍ଚ କରନ୍ତି କିନ୍ତୁ କର୍ମଚାରୀଙ୍କ ସୁରକ୍ଷାକୁ ନେଇ କୌଣସି ଚିନ୍ତା ନାହିଁ ’।

ମୁଖ୍ୟମନ୍ତ୍ରୀ କେଜ୍ରିୱାଲଙ୍କୁ ଟାର୍ଗେଟ କରି ରମେଶ ବିଧୁଡୀ କହିଛନ୍ତି ଯେ ଜଳ ବୋର୍ଡ ଦିଲ୍ଲୀ ସରକାରଙ୍କ ଅଧୀନରେ ରହିଛି ।ଏହାର ପରିଷ୍କାର ପରିଚ୍ଛନ୍ନତା ଦିଲ୍ଲୀ ସରକାରଙ୍କ କାମ କିନ୍ତୁ ଏହି କାରଣରୁ ଦିଲ୍ଲୀର ଲୋକଙ୍କୁ ଜୀବନ ହରାଇ ଯନ୍ତ୍ରଣା ଭୋଗିବାକୁ ପଡୁଛି ।

ରମେଶ ବିଧୁଡୀ କହିଛନ୍ତି ଯେ ଆମ୍ ଆଦମୀ ପାର୍ଟି ସବୁବେଳେ କହେ ଯେ ଆମେ ଡେଙ୍ଗୁ, ମ୍ୟାଲେରିଆ, କୋରୋନା ଉପରେ ବିଜୟ ପାଇଛୁ କିନ୍ତୁ ସେ ଟେଲିଭିଜନରେ ପ୍ରମୋଶନ କରି ପ୍ରଶଂସା ଲୁଟିଛନ୍ତି । ସେ କହିଛନ୍ତି ଯେ କେଜ୍ରିୱାଲ କୋରୋନା ବିଷୟରେ କିଛି କରିନାହାଁନ୍ତି ବରଂ ଗୃହମନ୍ତ୍ରୀ ଅମିତ ଶାହାଙ୍କ ସହାୟତାରେ ଆଜି ଦିଲ୍ଲୀ କୋରୋନା ଭାଇରସ୍ ସହ ଲଢିବାରେ ସକ୍ଷମ ହୋଇଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ