ନୂଆଦିଲ୍ଲୀ: ଏବେ ପଡୋଶୀ ଦେଶଙ୍କ ଆକ୍ରମଣର ମୁହଁତୋଡ ଜବାବ ଭାରତ ଦେଇପାରିବ। ଦିନରାତି 24 ଘଣ୍ଟା ଶତ୍ରୁଙ୍କ ଉପରେ ନଜର ରଖି କୌଣସି ମୂହୁର୍ତ୍ତରେ ଫାୟାରିଙ୍ଗ କରିହେବ। ଭାରତୀୟ ସେନାକୁ ଏଭଳି ସୁଯୋଗ ଦେଇଛି ଧନୁଷ ହାୱିଟଜର।
ଆଜି ଭାରତୀୟ ସେନାରେ ଆନୁଷ୍ଠାନିକ ଭାବେ ୪ଟି ଦେଶୀ ବୋଫୋର୍ସକୁ ସାମିଲ କରାଯାଇଛି। ଯେକୌଣସି ପ୍ରକାରର ଯୁଦ୍ଧକାଳୀନ ସ୍ଥିତିରେ ଭାରତର ଏହି ଦେଶୀ ବୋଫୋର୍ସ ଶତ୍ରୁକୁ ମୁହଁଭଙ୍ଗା ଜବାବ ଦେଇପାରିବ। ଏହି ବୋଫର୍ସକୁ ଧନୁଷ ହାୱିଟଜର କୁହାଯାଉଛି। ବୋଫୋର୍ସ କମାଣ ଅନୁସାରେ ଏହାର ନିର୍ମାଣ ହୋଇଛି। ଏହା ସମ୍ପୂର୍ଣ୍ଣ ଦେଶୀ କୌଶଳରେ ନିର୍ମିତ ହୋଇଛି।