ନୂଆଦିଲ୍ଲୀ: ପୁଣିଥରେ ସର୍ଜିକାଲ ଷ୍ଟ୍ରାଇକକୁ ନେଇ କଥା ଦୋହରାଇଛି ଭାରତୀୟ ସେନା । ପ୍ରଥମ ଥର ପାଇଁ ସେପ୍ଟେମ୍ବର ୨୦୧୬ରେ ସର୍ଜିକାଲ ଷ୍ଟ୍ରାଇକ କରାଯାଇଥିବା କହିଛନ୍ତି ଲେଫ୍ଟ୍ନାଣ୍ଟ୍ ଜେନେରାଲ୍ ରଣବୀର ସିଂହ । ଉରି ଆକ୍ରମଣର ପ୍ରତିଶୋଧ ନେବା ପାଇଁ ଏହି ସର୍ଜିକାଲ ଷ୍ଟ୍ରାଇକ କରାଯାଇଥିବା କହିଛନ୍ତି ରଣବୀର ସିଂହ । ସେନାର ଏହି ବୟାନ ପରେ ପୁଣି ଥରେ କଂଗ୍ରେସ ମିଛ ଧରା ପଡିଛି । କିଛି ଦିନ ତଳେ କଂଗ୍ରେସ ଅମଳରେ ବହୁବାର ସର୍ଜିକାଲ ଷ୍ଟ୍ରାଇକ କରାଯାଇଥିବା ଦମ୍ଭୋକ୍ତି କରାଯାଇଥିଲା ।
ଭାରତୀୟ ସେନାର ଜିଓସି(ଜେନେରାଲ୍ ଅଫିସର୍ ଇନ କମାଣ୍ଡ)ତଥା ନଦର୍ଣ୍ଣ କମାଣ୍ଡ୍ ଲେଫ୍ଟ୍ନାଣ୍ଟ୍ ଜେନେରାଲ୍ ରଣବୀର କହିଛନ୍ତି ଯେ କିଛି ଦିନ ତଳେ ଡିଜିଏମଓଙ୍କ ପକ୍ଷରୁ ଏକ ଆର୍ଟିଆଇର କେବେ ସର୍ଜିକାଲ ଷ୍ଟ୍ରାଇକ ସେନା କରିଥିଲା ସେ ସଂକ୍ରାନ୍ତରେ ଉତ୍ତର ରଖା ଯାଇଥିଲା ।
ଏହାସହ ସର୍ଜିକାଲ୍ ଷ୍ଟ୍ରାଇକକୁ ନେଇ ରାଜନୈତିକ ଦଳମାନଙ୍କ ମତ ମନ୍ତବ୍ୟ ବାବାଦରେ କୌଣସି ମତ ଦେବାକୁ ମନା କରିଛନ୍ତି ରଣବୀର ସିଂହ । ସେନା ଦେଇଥିବା ସମସ୍ତ ସୂଚନା ତଥ୍ୟ ଓ ପ୍ରମାଣ ଭିତ୍ତିକ ବୋଲି ସେ କହିଛନ୍ତି ।
ଲେଫ୍ଟ୍ନାଣ୍ଟ୍ ଜେନେରାଲ୍ ରଣବୀର ସିଂହ ଆହୁରି କହିଛନ୍ତି ଯେ ଅପରେସନ ବାଲାକୋଟ ରେ ସେନାକୁ ବିପୁଳ ସଫଳତା ମିଳିଥିଲା । ଏୟାର ଷ୍ଟ୍ରାଇକ୍ ସେନା ପାଇଁ ଆତଙ୍କବାଦ ବିରୋଧରେ ଏକ ବିରାଟ ଉପଲବ୍ଧି । ପାକିସ୍ତାନ ଭିତରେ ପ୍ରବେଶ କରି ଭାରତୀୟ ବାୟୁସେନା ଆତଙ୍କବାଦୀ ସଂଗଠନ ଜୈଶ୍-ଏ-ମହମ୍ମଦ ଶିବିରରକୁ ଧ୍ବଂସ କରିଥିଲା ।
ଏହା ପରେ ଡରି ଯାଇଥିବା ପାକିସ୍ତାନ ଭାରତ ଉପର ଆକ୍ରମଣ କରିବା ପାଇଁ ତାର ଲଢୁଆ ବିମାନ ପଠାଇଥିଲା । ମାତ୍ର ଭାରତ ଏହାକୁ ଦୃଢହସ୍ତରେ ଦମନ କରି ପାକିସ୍ତାନକୁ ଉଚିତ୍ ଶିକ୍ଷା ଦେଇଥିଲା ବୋଲି କହିଛନ୍ତି ରଣବୀର ସିଂହ ।
ଏହାସହ ରଣବୀର କହିଛନ୍ତି ଯେ ଏବେ ଜମ୍ମୁ-କାଶ୍ମୀର ସୁରକ୍ଷା ବାହିନୀ ହାତରେ ସମ୍ପୂର୍ଣ୍ଣ ନିୟନ୍ତ୍ରଣ ରହିଛି । ପାକିସ୍ତାନ ଜମ୍ମୁ-କାଶ୍ନୀରରେ ଶାନ୍ତି ଭାଙ୍ଗିବାକୁ ଚେଷ୍ଚା କରୁଛି । ମାତ୍ରା ଘାଟିରେ ଅପରେସନ ଅଲଆଉଟ୍ ଜାରି ରହିଛି । ବର୍ତ୍ତମାନ ସୁଦ୍ଧା ସେନା 86 ଜଣ ଆତଙ୍କବାଦୀଙ୍କୁ ମୁଣ୍ଡ ନେଇଛନ୍ତି । ଏହାସହ ଘାଟିର ସେନା ନିରନ୍ତର ଭାବରେ ଆତଙ୍କବାଦୀ ସଂଗଠନରେ ସାମିଲ ଯୁବକଙ୍କୁ ମୁଖ୍ୟସ୍ରୋତରେ ସାମିଲ କରିବା ପାଇଁ ପ୍ରଚେଷ୍ଟା ଜାରି ରଖିଛି ।
