ସ୍ଥଳସେନା ମୁଖ୍ୟଙ୍କୁ ଜାପାନରେ ଭବ୍ୟ ସ୍ବାଗତ

4ଦିନିଆ ଜାପାନ ଗସ୍ତରେ ଥିବା ସ୍ଥଳସେନା ମୁଖ୍ୟଙ୍କୁ ଭବ୍ୟ ସ୍ବାଗତ। ଡିସେମ୍ବର 3ରୁ 6 ପର୍ଯ୍ୟନ୍ତ ଜାପାନ ଗସ୍ତରେ ଅଛନ୍ତି ଜେନେରାଲ ବିପିନ ରାୱତ।

ନୂଆଦିଲ୍ଲୀ: ଚାରିଦିନିଆ ଜାପାନ ଗସ୍ତରେ ଯାଇଥିବା ସ୍ଥଳସେନା ମୁଖ୍ୟ ଜେନେରାଲ ବିପିନ ରାୱତଙ୍କୁ ଆଜି ଜାପାନର ‘ଗ୍ରାଉଣ୍ଡ ସେଳ୍ପ ଡିଫେନ୍ସ ଫୋର୍ସ’ ତରଫରୁ ଜୋରଦାର ସ୍ବାଗତ କରାଯିବା ସହ ଗାର୍ଡ ଅଫ ଅନର ଦିଆଯାଇଛି। ଏହସହ ପୂର୍ବରୁ ସ୍ଥଳସେନା ମୁଖ୍ୟଙ୍କୁ ଜାପାନ ପ୍ରତିରକ୍ଷା ମନ୍ତ୍ରଣାଳୟ ତରଫରୁ ମଧ୍ୟ ସ୍ବାଗତ କରାଯାଇଛି।

ଗାର୍ଡ ଅଫ ଅନର ପ୍ରଦାନ ପରେ ଜେନାରାଲ ରାୱତ ଓ ଜାପାନର ‘ଗ୍ରାଉଣ୍ଡ ସେଳ୍ପ ଡିଫେନ୍ସ ଫୋର୍ସ’ର ମୁଖ୍ୟ ଜେନେରାଲ ଗୌରୋ ୟୁସାଙ୍କ ସହ ଦ୍ବିପାକ୍ଷିକ ଆଲୋଚନା କରିଛନ୍ତି।

ମଙ୍ଗଳବାର ଠାରୁ 4ଦିନିଆ ଜାପାନ ଗସ୍ତରେ ଯାଇଛନ୍ତି ସ୍ଥଳସେନା ମୁଖ୍ୟ ଜେନେରାଲ ବିପିନ ରାୱତ। ତାଙ୍କ ସହ ଏକ ପ୍ରତିନିଧିମଣ୍ଡଳୀ ମଧ୍ୟ ଜାପାନ ଗସ୍ତରେ ଅଛନ୍ତି।