ନୂଆଦିଲ୍ଲୀ: ପାକିସ୍ତାନକୁ କଳା ତାଲିକା ଭୁକ୍ତ କରିବାକୁ ନେଇ ପ୍ରତିକ୍ରିୟା ରଖିଛନ୍ତି ସ୍ଥଳସେନା ମୁଖ୍ୟ ବିପିନ ରାୱତ। ଫାଇନାସିଆଲ ଆକ୍ସନ ଟାସ୍କ ଫୋର୍ସ (ଏଫଏଟିଏଫ) ଉପରେ ଚାପ ରହିଛି। ତେଣୁ ସେମାନଙ୍କୁ ହିଁ ନିଷ୍ପତ୍ତି ନେବାକୁ ହେବ ବୋଲି କହିଛନ୍ତି ସେନାମୁଖ୍ୟ।
ଆମେ ସର୍ବଦା ଶାନ୍ତି ବଜାୟ ପାଇଁ ପ୍ରୟାସ କରୁଛୁ। କୌଣସି ରାଷ୍ଟ୍ରକୁ ଏଫଏଟିଏଫ ଗ୍ରେ ତାଲିକାଭୁକ୍ତ କରିବା ମଧ୍ୟ ଅପମାନ ବୋଲି କହିଛନ୍ତି ବିପିନ ରାୱତ। ଭାରତୀୟ ସେନା ପକ୍ଷରୁ ଦିଲ୍ଲୀରେ ଆୟୋଜିତ ଏକ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗଦେଇ ଉପରୋକ୍ତ ପ୍ରତିକ୍ରିୟା ରଖିଛନ୍ତି ସ୍ଥଳସେନା ମୁଖ୍ୟ ଜେନେରାଲ ବିପିନ ରାୱତ। ସେନାରେ କାର୍ଯ୍ୟକରି ଅଙ୍ଗ ହରାଇଥିବା ଯବାନଙ୍କ ଉଦ୍ଦେଶ୍ୟରେ ଆୟୋଜିତ କାର୍ଯ୍ୟକ୍ରମ ‘ଦି ଅଲ୍ଟିମେଟ ରନ’ରେ ଯୋଗ ଦେଇଛନ୍ତି।
