ନୂଆଦିଲ୍ଲୀ: ଜାମ୍ମୁ ଓ କାଶ୍ମୀରରେ 370 ଧାରା ଉଚ୍ଛେଦ ପରେ ଏବେ ପାକିସ୍ତାନ ଅଧିକୃତ କାଶ୍ମୀର ତଥା ପିଓକେକୁ ଭାରତରେ ମିଶାଇବାକୁ ଦାବି ଉଠିବାରେ ଲାଗିଛି । କେବଳ କାଶ୍ମୀର ନୁହେଁ ପିଓକେ ବି ଭାରତର ଅଂଶ ବୋଲି ପୂର୍ବରୁ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ କହି ସାରିଛନ୍ତି । ଅନ୍ୟପକ୍ଷେ ପିଓକେକୁ ଭାରତରେ ମିଶାଇବା ସରକାରଙ୍କ ଆଗାମୀ ଯୋଜନା ବୋଲି ଜିତେନ୍ଦ୍ର ସିଂହ ମଧ୍ୟ କହିଥିଲେ ।
ଭିଡିଓ ସୌଜନ୍ୟ: ଏଏନଆଇ
ଏପରି ସ୍ଥିତିରେ ସେନା ପ୍ରମୁଖ ବିପିନ ରାଓ୍ବତ ପିଓକେକୁ ନେଇ ମହତ୍ତ୍ବପୂର୍ଣ୍ଣ ମନ୍ତବ୍ୟ ଦେଇଛନ୍ତି । ବିପିନ କହିଛନ୍ତି କି, ପିଓକେକୁ ଭାରତର ଅଧିନକୁ ଆଣିବାର ନିଷ୍ପତ୍ତି ସରକାରଙ୍କୁ କରିବାକୁ ହେବ । ସେନା ସମସ୍ତ କାର୍ଯ୍ୟାନୁଷ୍ଠାନ ପାଇଁ ପ୍ରସ୍ତୁତ ଥିବା ବିପିନ ପ୍ରତିକ୍ରିୟା ଦେଇଛନ୍ତି ।