ଦୁଇ ଦିନିଆ ଝାଡ଼ଖଣ୍ଡ ଗସ୍ତରେ ସ୍ଥଳସେନା ମୁଖ୍ୟ

ଦୁଇ ଦିନିଆ ଝାଡ଼ଖଣ୍ଡ ଗସ୍ତରେ ସ୍ଥଳସେନା ମୁଖ୍ୟ ବିପିନ ରାଓ୍ବତ । ଦୁଇ ଦିନରେ ସେ ଏକାଧିକ କାର୍ଯ୍ୟକ୍ରମରେ ଯୋଗଦେବେ ବୋଲି ଜଣାପଡ଼ିଛି ।

ରାଞ୍ଚି: ଝାଡ଼ଖଣ୍ଡ ଗସ୍ତରେ ସ୍ଥଳସେନା ମୁଖ୍ୟ ବିପିନ ରାଓ୍ବତ । ଦିଲ୍ଲୀର କିଛି ବରିଷ୍ଠ ଅଧିକାରୀଙ୍କ ସହିତ ବିପିନ ରାଓ୍ବତ ସେଠାକୁ ଗସ୍ତ କରିଛନ୍ତି । ରାମଗଡ଼ ଯିବା ପୂର୍ବରୁ ସେଠାରେ ଥିବା ପଞ୍ଜାବ ରେଜିମେଣ୍ଟାଲକୁ ମଧ୍ୟ ଯାଇଥିବା ଜଣାପଡ଼ିଛି ।

ମିଳିଥିବା ସୂଚନା ମୁତାବକ ସେଠାରେ ଐତିହାସିକ ଯୁଦ୍ଧ ସ୍ଥଳରେ ଶହୀଦଙ୍କୁ ଶ୍ରଦ୍ଧାଞ୍ଜଳୀ ଅର୍ପଣ କରିଥିଲେ ସ୍ଥଳସେନା ମୁଖ୍ଯ । ଏହାସହିତ ଐତିହାସିକ ଯୁଦ୍ଧ ସ୍ମାରକୀ ମଧ୍ୟ ବୁଲି ଦେଖିଛନ୍ତି । ପରେ ସେ ପଞ୍ଜାବ ରେଜିମେଣ୍ଟାଲ ପ୍ରଶିକ୍ଷିତ ଯବାନଙ୍କ ଠାରୁ ପରେଡ଼ ଅଭିବାଦନ ଗ୍ରହଣ କରିଥିଲେ ।

ଅଭିବାଦନ ଗ୍ରହଣ ପରେ ସେ ଆର୍ମି ଫ୍ଲାଗ ଆଦାନ ପ୍ରଦାନ କାର୍ଯ୍ୟକ୍ରମରେ ଯୋଗ ଦେଇଥିଲେ । ଏହି କାର୍ଯ୍ୟକ୍ରମରେ ଦିଲ୍ଲୀର କିଛି ବରିଷ୍ଠ ସେନାଅଧିକାରୀ ମଧ୍ୟ ଯୋଗ ଦେଇଥିଲେ । ସେପଟେ ଦୁଇ ଦିନ ପାଇଁ ରାମଗଡ଼ ଯାଇଥିବା ସେନା ମୁଖ୍ୟ ଏକାଧିକ କାର୍ଯ୍ୟକ୍ରମରେ ଯୋଗ ଦେବେ ବୋଲି ଜଣାପଡ଼ିଛି ।