ନୂଆଦିଲ୍ଲୀ: 'ଲଗେ ରହୋ କେଜ୍ରିୱାଲ' ଗୀତର ରଚନା କରିଥିବା ତଥା ସଂଗୀତ ନିର୍ଦ୍ଦେଶକ ବିଶାଲ ଦଦଲାନୀ ତୃତୀୟଥର ପାଇଁ ସରକାର ଗଠନ କରିଥିବା ଅରବିନ୍ଦ କେଜ୍ରିୱାଲଙ୍କ ଶପଥ ପାଠ ଉତ୍ସବରେ ଯୋଗ ଦେଇଛନ୍ତି । ପ୍ରଥମ ଥର ପାଇଁ କୌଣସି ଦଳ କାର୍ଯ୍ୟ ଆଧାରରେ ବିଜୟ ହାସଲ କରିଛନ୍ତି ବୋଲି କହିଛନ୍ତି ।
ରାମଲୀଳା ମୈଦାନରେ ଶପଥ ପାଠ କାର୍ଯ୍ୟକ୍ରମରେ ଯୋଗ ଦେବା ଅବସରରେ ବିଶାଲ କହିଛନ୍ତି ଆଜି ବହୁତ ଖୁସିର ଦିନ । ମୁଁ ବହୁତ ଖୁସି । ଦଳର ବିଜୟରେ ଖୁସି କିନ୍ତୁ ପ୍ରଥମ ଥର ପାଇଁ କୌଣସି ଦଳ ବିକାଶମୂଳକ କାର୍ଯ୍ୟ ଆଧାରରେ ବିଜୟ ହାସଲ ମିଳିଛି । ଦିଲ୍ଲୀ ନିର୍ବାଚନର ଫଳାଫଳ ସାରା ଦେଶରେ ରାଜନୀତିରେ ପ୍ରଭାବିତ କରିବ । ଯେଉଁ ଦଳ ଜନତାଙ୍କ ପାଇଁ ସବୁବେଳେ ଥିବ, ତାଙ୍କ ପାଇଁ ଉନ୍ନୟନ ମୂଳକ କାର୍ଯ୍ୟ କରିବ, ସେହି ଦଳ ହିଁ ଜନତାଙ୍କ ଭୋଟ ହାସଲ କରିବ । ଏହା ଆମ ଦେଶ ଓ ଗଣତନ୍ତ୍ର ପଇଁ ଖୁସି ଖବର ବୋଲି କହିଛନ୍ତି ।