ବେଙ୍ଗାଲୁରୁ: ଶିଶୁଙ୍କ ପାଇଁ ଘର ପରେ ଅନ୍ୟ ଏକ ସୁରକ୍ଷିତ ସ୍ଥାନ ହେଉଛି ବିଦ୍ୟାଳୟ ଓ ଅଙ୍ଗନବାଡି କେନ୍ଦ୍ର । ହେଲେ ଏହି ଭିଡିଓ ଦେଖିବା ପରେ ପ୍ରତ୍ୟେକ ଅଭିଭାବକ ଶହେ ଥର ଭାବିବାକୁ ବାଧ୍ୟ ହେବେ ଯେ, ଯଦି ତାଙ୍କ ପିଲା ବିଦ୍ୟାଳୟ କି ଅଙ୍ଗନବାଡି ଯାଇଛି ସେ ସୁରକ୍ଷିତ ଅଛି ତ? କାହିଁକି ନା ଏମିତି ଏକ ଦାରୁଣ ଚିତ୍ର ଦେଖିବାକୁ ମିଳିଛି କର୍ଣ୍ଣାଟକର କୋପ୍ପଲ ଜିଲ୍ଲାରେ ।
କୁନି ଶିଶୁକୁ ମୁଥ ମାରି ଅଡୁଆରେ ଅଙ୍ଗନବାଡି କର୍ମୀ
ଜିଲ୍ଲାର ଗୁଣ୍ଡୁରା ଗାଁରେ ଥିବା ଏ ଅଙ୍ଗନବାଡି କେନ୍ଦ୍ରରେ ଏକ କୁନି ଶିଶୁକୁ ସେଠାରେ ନିୟୋଜିତ ଥିବା ଅଙ୍ଗନବାଡି କର୍ମଚାରୀ ଚାପୁଡା ପରେ ଚାପୁଡା ମାରିଚାଲିଥିଲେ । ଏମିତିକି କୁନି ଶିଶୁଟି ରାହା ଧରି କାନ୍ଦୁଥିଲେ ମଧ୍ୟ କର୍ମୀ ଜଣଙ୍କ ତାକୁ ଭ୍ରୁକ୍ଷେପ ନକରି ମୁଥ ବି ମାରୁଥିଲେ ।