ନୂଆଦିଲ୍ଲୀ: ପୁଣି ଆଉ ଏକ ସ୍ବାଗତଯୋଗ୍ୟ କାର୍ଯ୍ୟ ପାଇଁ ଚର୍ଚ୍ଚାରେ ସୁପର-30 କୋଚିଂର ପ୍ରତିଷ୍ଠାତା ଭାବରେ ବିଖ୍ୟାତ ଆନନ୍ଦ କୁମାର । ଆନନ୍ଦ ସିଏସସି ଇ-ଗଭର୍ନାନ୍ସ ସର୍ଭିସେସ ଇଣ୍ଡିଆ ଲିମିଟେଡ ସହିତ ମିଶି ଗ୍ରାମାଞ୍ଚଳର ଛାତ୍ରଛାତ୍ରୀ ମାନଙ୍କୁ ଆଇଆଇଟି-ଜି ପରି ପ୍ରମୁଖ ଇଞ୍ଜିନିୟରିଂ ପରୀକ୍ଷା ପାଇଁ ପ୍ରସ୍ତୁତ କରାଇବେ । ଏଥିପାଇଁ ସେ ମାତ୍ର ଏକ ଟଙ୍କା ନେବେ । ଏନେଇ ବୁଧଭାର ଇ-ଗଭର୍ନାନ୍ସ କମ୍ପାନୀ ଏହି ସୂଚନା ଦେଇଛି।
ବିଶିଷ୍ଟ ଗଣିତଜ୍ଞ ଆନନ୍ଦ କୁମାର ଅନଲାଇନରେ ଏକ ସ୍ୱତନ୍ତ୍ର ମଡ୍ୟୁଲ୍ ସୃଷ୍ଟି କରିବେ ଯାହା ମାଧ୍ୟମରେ ଗରିବ ଛାତ୍ରଛାତ୍ରୀ ମାନଙ୍କୁ ତାଲିମ ଦିଆଯିବ । ଏହା ସହିତ ଏହି ଛାତ୍ରଛାତ୍ରୀମାନେ ଇଣ୍ଡିଆନ ଇନଷ୍ଟିଚ୍ୟୁଟ ଅଫ ଟେକ୍ନୋଲୋଜି-ମିଳିତ ପ୍ରବେଶିକା ପରୀକ୍ଷା (IIT-JEE) ପରୀକ୍ଷାରେ ବସିପାରିବେ ।