ବେଙ୍ଗାଲୁରୁ: କର୍ଣ୍ଣାଟକ ହୁବଲିର ଜଣେ ଇଞ୍ଜିନିୟର ପ୍ଲାଷ୍ଟିକ ବିରୋଧରେ କରିଛନ୍ତି ଯୁଦ୍ଧ ଘୋଷଣା । ବିରପ୍ପା ଆରାକେରି, ପେଶାରେ ଜଣେ ଇଲେକ୍ଟ୍ରିକାଲ ଇଞ୍ଜିନିୟର କିନ୍ତୁ ସହରର ଘର ଘର ବୁଲି ଅଳିଆ ଆବର୍ଜନା ସଂଗ୍ରହ କରନ୍ତି । ଆଉ ପ୍ଲାଷ୍ଟିକର ଭୟାବହତା ସମ୍ପର୍କରେ ଲୋକଙ୍କୁ କରନ୍ତି ସଚେତନ । କେବଳ ସେତିକି ନୁହେଁ ପ୍ଲାଷ୍ଟିକ ବଦଳରେ ସେ ଲୋକଙ୍କୁ ଟଙ୍କା ମଧ୍ୟ ଦିଅନ୍ତି ।
ଇଞ୍ଜିନିୟରଙ୍କ ପ୍ଲାଷ୍ଟିକ ବିରୋଧି ଲଢେଇ
ପ୍ରଥମେ ପ୍ରଥମେ ତାଙ୍କର ଏହି କାର୍ଯ୍ୟକୁ ପଡୋଶୀ ନାପସନ୍ଦ କରୁଥିଲେ । ଏପରିକି ଅନେକ ସମୟରେ ଏହି କାର୍ଯ୍ୟ ପାଇଁ ତାଙ୍କର ମଜାକ ମଧ୍ୟ ଉଡାଉଥିଲେ । ସେ ଚାହୁଁଥିବା ଲକ୍ଷ୍ୟସ୍ଥଳରେ ପହଞ୍ଚିପାରିବେ ନାହିଁ ବୋଲି କହୁଥିଲେ । କିନ୍ତୁ ନିଜ ଲକ୍ଷ୍ୟରୁ ବିଚ୍ୟୁତ ହୋଇନଥିଲେ ବିରପ୍ପା । ପରେ ସେ ନିଜ ଲକ୍ଷ୍ୟ ଆଡକୁ ଗତି କରୁଥିବା ଦେଖି ସହଯୋଗର ହାତ ବଢାଇଥିଲେ ପଡୋଶୀ ।