କର୍ଣ୍ଣାଟକରେ ବିଭିନ୍ନ ପ୍ରକଳ୍ପର ଶୁଭାରମ୍ଭ କଲେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ

କେନ୍ଦ୍ର ଗୃହମନ୍ତ୍ରୀ ଅମିତ ଶାହ 2 ଦିନିଆ କର୍ଣ୍ଣାଟକ ଗସ୍ତରେ ଯାଇଥିବାବେଳେ ବିଭିନ୍ନ ପ୍ରକଳ୍ପର ଶୁଭାରମ୍ଭ କରିବା ସହ କିଛି ପ୍ରକଳ୍ପର ଶିଳାନ୍ୟାସ କରିଛନ୍ତି । ଅଧିକ ପଢନ୍ତୁ....

ବେଙ୍ଗାଲୁରୁ: କେନ୍ଦ୍ର ଗୃହମନ୍ତ୍ରୀ ଅମିତ ଶାହ 2 ଦିନିଆ କର୍ଣ୍ଣାଟକ ଗସ୍ତରେ ଯାଇଥିବାବେଳେ ବିଭିନ୍ନ ପ୍ରକଳ୍ପର ଶୁଭାରମ୍ଭ କରିବା ସହ କିଛି ପ୍ରକଳ୍ପର ଶିଳାନ୍ୟାସ କରିଛନ୍ତି । ଶିବମୋଗାରେ ଭଦ୍ରାବତୀ ରାପିଡ୍ ଆକ୍ସନ୍ ଫୋର୍ସ (ଆରଏଫ୍) କେନ୍ଦ୍ରର ମୂଳଦୁଆ ପକାଇଛନ୍ତି । ଉକ୍ତ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ବି.ଏସ୍ ୟେଦୁରୁପ୍ପା ଏବଂ କେନ୍ଦ୍ର ମନ୍ତ୍ରୀ ପ୍ରହ୍ଲାଦ ଯୋଶୀ ମଧ୍ୟ ଉପସ୍ଥିତ ଥିଲେ ।

ଭଦ୍ରାବତୀ ପୋଲିସ ଡିଆର ଗ୍ରାଉଣ୍ଡରେ ଆରଏଫ୍ ୟୁନିଟ୍ ପ୍ରତିଷ୍ଠା କରାଯିବ। ଅମିତ ଶାହା ଭଦ୍ରାବତୀର ଆରଏଫ ୟୁନିଟ୍ ନିକଟ ହେଲିପ୍ୟାଡରେ ସେନା ହେଲିକପ୍ଟରରେ ପହଞ୍ଚି ସେଠାରେ ଭୁମିପୋଜାରେ ଅଂଶଗ୍ରହଣ କରି ୟୁନିଟ୍ ପାଇଁ ଶିଳାନ୍ୟାସ କରିଛନ୍ତି । ମୁଖ୍ୟମନ୍ତ୍ରୀ ୟେଦୁରୁପ୍ପା, ଡିସିଏମ ଗୋବିନ୍ଦ କରଜୋଲା, ଡିସିଏମ ଅଶ୍ବତ ନାରାୟଣ, ମନ୍ତ୍ରୀ ଇଶ୍ବରପ୍ପା, ସାଂସଦ ରାଘବେନ୍ଦ୍ର, ଭଦ୍ରାବତୀ ବିଧାୟକ ସଙ୍ଗମେଶ୍ବର ଏବଂ ଆରଏଫର ଡିଜି ମହେଶ୍ବରୀ ମଧ୍ୟ ଉପସ୍ଥିତ ଥିଲେ ।

ଉକ୍ତ କାର୍ଯ୍ୟକ୍ରମରେ ଜନସଭାକୁ ସମ୍ବୋଧିତ କରି ଶାହ କହିଛନ୍ତି ଏକ ବର୍ଷରୁ ଅଧିକ ସମୟରୁ ଊର୍ଦ୍ଧ୍ବ ସମୟ ଧରି କୋଭିଡ ବିରୋଧରେ ଦେଶ ଯୁଦ୍ଧ କରି ଆସୁଛି । ଅନେକ ଲୋକଙ୍କ ମୃତ୍ୟୁ ହୋଇଛି । ମାନବଜାତି ଇତିହାସରେ ଏହା ସବୁଠାରୁ କଠିନ ଯୁଦ୍ଧ ହୋଇଛି | କିନ୍ତୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ବରେ ଭାରତ କରୋନା ବିରୋଧୀ ଲଢେଇ ସଫଳତାର ସହ ଲଢିବାରେ ସଫଳ ହୋଇଛି ।

ସମସ୍ତ ଭାରତୀୟଙ୍କ ପାଇଁ ଏହା ଏକ ଖୁସିର ବିଷୟ ଯେ ଭାରତରେ ତିଆରି ଦୁଇଟି ଟୀକା ଏବେ ସଫଳତାର ସହ ବ୍ୟବହାର କ୍ଷମ ହୋଇ ପାରିଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ