ୱାଶିଂଟନ: ଆମେରିକୀୟ ମହାକାଶ ଗବେଷଣା କେନ୍ଦ୍ର (ନାସା) ଏବଂ ଇତାଲୱୀ ସ୍ପେସ ଏଜେନ୍ସୀର ବୈଜ୍ଞାନିକ ଦାବି କରିଛନ୍ତି ଯେ ଶନି ଗ୍ରହର ଚନ୍ଦ୍ର (ଟାଇଟନ) ପୂର୍ବ ତୁଳନାରେ ଶହେ ଗୁଣ ଅଧିକ ଦୃତଗତିରେ ଶନି ଗ୍ରହଠାରୁ ଦୂରେଇ ଯାଉଛି । ଯଦି ଟାଇଟନର ଗତି ଏପରି ହାରରେ ବଢି ଚାଲିବ ତେବେ ଏହାର ପ୍ରଭାବ ଶନି ପ୍ଲାନେଟୋରୀ ସିଷ୍ଟମ ଏବଂ ସୌରମଣ୍ଡଳ ଉପରେ ପଡିବ ।
ନେଚର ଏଷ୍ଟ୍ରୋନମୀ ନାମକ ଏକ ପତ୍ରିକାରେ ପ୍ରକାଶିତ ଅଧ୍ୟୟନ ଅନୁଯାୟୀ, ଶନି ଗ୍ରହ ବ୍ୟତୀତ ପୃଥିବୀର ଚନ୍ଦ୍ର ମଧ୍ୟ ପ୍ରତିବର୍ଷ ପୃଥିବୀଠାରୁ 1.5 ଇଞ୍ଚ ଦୂରେଇ ଯାଉଛି । କିନ୍ତୁ ଟାଇଟାନ ନିଜ ଗ୍ରହ ଠାରୁ ଦୂରେଇ ଯିବାର ଗତି ଯଥେଷ୍ଟ ବୃଦ୍ଧି ପାଇଛି । ଗ୍ରହରେ ଚନ୍ଦ୍ରର ମାଧ୍ୟାକର୍ଷଣ ହେତୁ ଏପରି ହେଉଛି । ଏହାଦ୍ବାରା ଗ୍ରହରେ ଏକ ଅସ୍ଥାୟୀ ବଳୟ ସୃଷ୍ଟି କରେ ଏବଂ ଏହା ଦ୍ବାରା ଉତ୍ପନ୍ନ ଶକ୍ତି ଚନ୍ଦ୍ରକୁ ଆହୁରି ଦୂରକୁ ଠେଲିଦିଏ । ନାସା ଅନୁଯାୟୀ, ଟାଇଟାନର ସ୍ଥାନାନ୍ତରଣ ହାର ପ୍ରତିବର୍ଷ ପ୍ରାୟ ଚାରି ଇଞ୍ଚ ସହିତ ସମାନ । ଶନି ହେଉଛି ଏକମାତ୍ର ଗ୍ରହ ଯେଉଁଥିରେ ନଦୀ ଓ ହ୍ରଦ ପୃଥିବୀ ପରି ବିଦ୍ୟମାନ । ଶନିରେ 80 ରୁ ଅଧିକ ଉପଗ୍ରହ ଅଛନ୍ତି, ଯେଉଁଥିରୁ ଟାଇଟାନ ସବୁଠାରୁ ବଡ ଉପଗ୍ରହ ଅଟେ ।
କାଲିଫର୍ନିଆ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜିର ସହକାରୀ ପ୍ରଫେସର ଲାନିଙ୍କ ସିଦ୍ଧାନ୍ତରେ କୁହାଯାଇଛି ଯେ ଗ୍ରହମାନଙ୍କ ଉଭୟ ଭିତର ଓ ବାହାର ଚନ୍ଦ୍ରର ଦୂରତା ସମାନ ହାରରେ ରହିବା ଦରକାର । ଗ୍ରହମାନଙ୍କ ଗତିବିଧି ହେତୁ ଉଭୟ ଗ୍ରହ ଏବଂ ଉପଗ୍ରହର କକ୍ଷପଥରେ ଫସି ରହିଥାନ୍ତି । ଏଥିରୁ ବାହାରି ପାଇଁ ଉପଗ୍ରହଟି ମାଧ୍ୟାକର୍ଷଣ ଶକ୍ତି ଯୋଗୁଁ ଦୂରକୁ ଠେଲି ହୋଇଯାଏ । ଫଳରେ ଉପଗ୍ରହର ଦୂରତା ଗ୍ରହଠାରୁ ଦୂରେଇ ଯାଏ । ଏହି ସିଦ୍ଧାନ୍ତ ମଧ୍ୟ ଦୀର୍ଘ ଦିନର ବିଶ୍ବାସକୁ ବଦଳାଇ ଦେଇଛି ଯେ ବାହ୍ୟ ଚନ୍ଦ୍ର ଭିତର ଚନ୍ଦ୍ର ଅପେକ୍ଷା ବହୁତ ଧୀରେ ଗତି କରେ ।