ମୁମ୍ବାଇ: ଲଗାଣ ବର୍ଷା ଯୋଗୁଁ ମହାରାଷ୍ଟ୍ରରେ ସଙ୍ଗୀନ ପରିସ୍ଥିତି । ଲୋକଙ୍କୁ ଘାରିଲା ଜଳ ନିଷ୍କାସନ ସମସ୍ୟା । ଥାନେ ଓ ପାଲଘରରେ ଘରେ ପଶିଲା ବନ୍ୟା ପାଣି । ଫଳରେ ସମସ୍ତ ସ୍କୁଲ ବନ୍ଦ ନେଇ ପ୍ରଶାସନର ଘୋଷଣା । ସେପଟେ ରେଳ ଧାରଣା ଉପରେ ପାଣି ଚାଲୁଥିବା ଦେଖିବାକୁ ମିଳିଛି ।
ଭିଡିଓ ସୌଜନ୍ୟ: ଇଟିଭି ଭାରତ ବ୍ୟୁରୋ
ଉବୁଟୁବୁ ମୁମ୍ବାଇ । ଗତକାଲି ମଧ୍ୟରାତ୍ରିରୁ ଲଗାଣ ବର୍ଷାରେ ମହାରାଷ୍ଟ୍ରରେ ବନ୍ୟା ପରିସ୍ଥିତି ସୃଷ୍ଟି ହୋଇଛି । ଲାଲବାଘ, ପାରାଲ, ଗୋରେଗାଓଁ, ମୀରା ରୋଡ, ଅନ୍ଧେରୀ, ବାନ୍ଦ୍ରା ଆଦି ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷା ଜାରି ରହିଛି । ଭୂସ୍ଖଳନ ଓ ବନ୍ୟା ଯୋଗୁଁ ଅନେକ ଅଞ୍ଚଳ ଜଳବନ୍ଦୀ ହୋଇଛି । ଫଳରେ ଯାତାୟତରେ ବାଧା ସୃଷ୍ଟି ହେବା ସହ ମଲାଡ ଓ ପାଲଘରରେ ଘରେ ବନ୍ୟା ପାଣି ପଶିଥିବା ଜଣାପଡିଛି ।