ଭୋପାଳ: ରବିବାର ମଧ୍ୟପ୍ରଦେଶର ଅଲିରାଜପୁର ଜିଲ୍ଲାର ଜୋବଟ ସହରରେ ଫ୍ରାନ୍ସର ରାଷ୍ଟ୍ରପତି ଇମାନୁଏଲ ଜେନ-ମାଇକେଲ ଫ୍ରେଡରିକ୍ ମାକ୍ରନଙ୍କ ପୋଷ୍ଟରକୁ ଅଜ୍ଞାତଙ୍କ ଦ୍ବାରା ରାସ୍ତାରେ ଲଗାଯାଇଥିବା ଦେଖିବାକୁ ମିଳିଛି । ତେବେ ପୂର୍ବରୁ ଫ୍ରାନ୍ସ ରାଷ୍ଟ୍ରପତି ଏକ ଧର୍ମଗୁରୁଙ୍କ ବିରୋଧରେ ଦେଇଥିବା ମନ୍ତବ୍ୟ ଯୋଗୁଁ ବିଶ୍ବର ବିଭିନ୍ନ ଅଞ୍ଚଳରେ ତାଙ୍କ ବିରୋଧରେ ବିକ୍ଷୋଭ ପ୍ରଦର୍ଶନ କରାଯାଉଛି ।
ରାସ୍ତାରେ ପୋଷ୍ଟର ଲଗାଇ ଫ୍ରାନ୍ସ ରାଷ୍ଟ୍ରପତିଙ୍କ ବିରୋଧରେ ବିକ୍ଷୋଭ ପ୍ରଦର୍ଶନ
ରବିବାର ଅଲିରାଜପୁର ଜିଲ୍ଲାର ଜୋବଟ ସହରର ବିଭିନ୍ନ ଗଳିକନ୍ଦିରେ ଫ୍ରାନ୍ସ ରାଷ୍ଟ୍ରପତିଙ୍କ ପୋଷ୍ଟର ରାସ୍ତାରେ ଲଗାଯାଇଥିଲା । ତେବେ ଲୋକମାନେ ସକାଳ ସମୟରେ ରାସ୍ତାରେ ଚଳପ୍ରଚଳ ସମୟରେ ପୋଷ୍ଟରଗୁଡିକୁ ଦେଖି ପ୍ରଥମେ ଆଶ୍ଟର୍ଯ୍ୟ ହୋଇଯାଇଥିଲେ । ପ୍ରଥମେ କେହି ପୋଷ୍ଟରେ ଥିବା ବ୍ୟକ୍ତିଙ୍କ ପରିଚୟ ପାଇନଥିବା ବେଳେ ପରେ ସେ ଫ୍ରାନ୍ସର ରାଷ୍ଟ୍ରପତି ବୋଲି ଜାଣିପାରିଥିଲେ ।