ଲକ୍ଷ୍ନୌ: ଉତ୍ତର ପ୍ରଦେଶରେ 2022 ବିଧାନସଭା ନିର୍ବାଚନ ପାଇଁ ପ୍ରସ୍ତୁତ ହେଉଛି ସମାଜବାଦୀ ପାର୍ଟି । ଏଥିପାଇଁ ଆରମ୍ଭ ହୋଇଛି ପ୍ରଚାର ପ୍ରସାର । କୋରୋନା ସମୟରେ ରାଜନୈତିକ ଦଳ ବଡ କାର୍ଯ୍ୟକ୍ରମ ତଥା ସମାବେଶ ଆୟୋଜନ କରିବାରେ ଅସମର୍ଥ ଥିବାରୁ ଏଥର ଡିଜିଟାଲ ବିକଳ୍ପ ଚୟନ କରିଛନ୍ତି । ବର୍ତ୍ତମାନ ସମାଜବାଦୀ ପାର୍ଟି ମଧ୍ୟ ଡିଜିଟାଲ ଆଡକୁ ଦି ପାଦ ଆଗକୁ ନେଇ ୟୁଟ୍ୟୁବ ଚ୍ୟାନେଲ ଖୋଲିଛି । ଦଳର ୟୁଟ୍ୟୁବ ଚ୍ୟାନେଲ ନାଁ ରହିଛି ‘BICYCLE TV ’।
2022 ନିର୍ବାଚନ ପାଇଁ ଅଖିଳେଶଙ୍କ ସଜବାଜ, ଲଞ୍ଚ କଲେ ‘BICYCLE TV’ - ୟୁଟ୍ୟୁବ୍ ଚ୍ୟାନେଲ
ଉତ୍ତରପ୍ରଦେଶରେ 2022 ବିଧାନସଭା ନିର୍ବାଚନ ପାଇଁ ପ୍ରସ୍ତୁତି ହେଉଛି ସମାଜବାଦୀ ପାର୍ଟି । ଏଥିପାଇଁ ଆରମ୍ଭ ହୋଇଛି ପ୍ରଚାର ପ୍ରସାର ।
2022 ନିର୍ବାଚନ ପାଇଁ ଅଖିଳେଶଙ୍କ ସଜବାଜ, ଆରମ୍ଭ କଲେ ୟୁଟ୍ୟୁବ୍ ଚ୍ୟାନେଲ
କୋରୋନା ସମୟରେ ଲୋକଙ୍କ ଜୀବନଶୈଳୀରେ ପରିବର୍ତ୍ତନ ହୋଇଥିବାବେଳେ ରାଜନୈତିକ ଦଳ ଗୁଡିକ ମଧ୍ୟ ଜନସାଧାରଣଙ୍କ ସହ ସିଧାସଳଖ ଜଡିତ ହେବାର ଉପାୟ ଖୋଜୁଛନ୍ତି । ଲୋକଙ୍କ ନିକଟରେ ପହଞ୍ଚିବା ପାଇଁ ଏସପି ମୁଖ୍ୟ ଅଖିଳେଶ ଯାଦବ ଡିଜିଟାଲ୍ ଉପାୟ ଚୟନ କରିଛନ୍ତି । ଦଳ ବର୍ତ୍ତମାନ ପ୍ରଚାର ସାମଗ୍ରୀ ସହିତ ଭିଡିଓ ଓ ଅଡିଓ ମାଧ୍ୟମରେ ବିଜେପି ସରକାର ଉପରେ ଆକ୍ରମଣ କରିବାରେ ବ୍ୟସ୍ତ । ଏସପିର ପ୍ରାୟ 12ରୁ ଉର୍ଦ୍ଧ୍ବ କ୍ଷୁଦ୍ର ଚଳଚ୍ଚିତ୍ର ପ୍ରସ୍ତୁତ ହୋଇ ‘BICYCLE TV’ରେ ଅପଲୋଡ୍ ହୋଇଛି । ଏହି ଭିଡିଓ ଗୁଡିକ ମାଧ୍ୟମରେ ଅଖିଳେଶ ତାଙ୍କ ସରକାର ସମୟରେ ହୋଇଥିବା ସଫଳତା ଓ ବିଜେପି ସରକାରଙ୍କ ବିଫଳତାକୁ ଦର୍ଶାଉଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ