ଜୟପୁର: ରାଜସ୍ଥାନ ଅଜମେରର ସୁଫି ସନ୍ଥ ଖ୍ୱାଜା ମୋଇନୁଦ୍ଦିନ ହସନ ଚିସ୍ତିର ଦରଗାହର ଦିବାନ ସୟଦ ଜୈନୁଆଲ ଆବେଦିନ ଅଲି ଖାନ ଏକ ବିବୃତ୍ତି ଜାରି କରି ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ଆଟାକ କରିଛନ୍ତି । ସେ କହିଛନ୍ତି ଓସାମା ବିନ ଲାଡେନ ପରି ବିଶ୍ୱ ଆତଙ୍କବାଦୀକୁ ଶହୀଦ କହିବା ଏହା ପ୍ରମାଣ କରୁଛି ଯେ, ଆତଙ୍କବାଦ ପାକିସ୍ତାନର ଏକ ଅଂଶ।
ଶନିବାର ଏକ ଟ୍ବିଟରେ ଦରଗା ଦିବାନ କହିଛନ୍ତି ପ୍ରଧାନମନ୍ତ୍ରୀ ଇମ୍ରାନ ଖାନ ପାକିସ୍ତାନ ସଂସଦରେ ଜଣେ ଆତଙ୍କବାଦୀଙ୍କୁ ଶହୀଦ ଭାବରେ ସମ୍ବୋଧିତ କରିଛନ୍ତି। ଏହା ପ୍ରମାଣ କରେ ଯେ ଆତଙ୍କବାଦ ହେଉଛି ପାକିସ୍ତାନର ରାଜ୍ୟ ନୀତି। ଇମ୍ରାନ ଖାନଙ୍କ ବିବୃତ୍ତିକୁ ନିନ୍ଦା କରି କହିଛନ୍ତି ଯେ, ଏହା ଲଜ୍ଜାଜନକ ବିଷୟ ଯେ ଇମ୍ରାନ ପାକିସ୍ତାନୀ ସଂସଦରେ କହିଛନ୍ତି ଯେ ଆମେରିକାର ସୈନ୍ୟବାହିନୀ ପାକିସ୍ତାନରେ ପ୍ରବେଶ କରିଛନ୍ତି ଏବଂ ଲାଡେନକୁ ଶହୀଦ କରିଛନ୍ତି, ଆତଙ୍କବାଦ ପ୍ରତି ପାକିସ୍ତାନର ଆଭିମୁଖ୍ୟ ସ୍ପଷ୍ଟ ଭାବେ ଦର୍ଶାଉଛି ଏବଂ ଆତଙ୍କବାଦକୁ ପ୍ରୋତ୍ସାହିତ କରିବା ପାଇଁ ଚୀନ ଭଳି ଦେଶ ପାକିସ୍ତାନକୁ ଅସ୍ତ୍ରଶସ୍ତ୍ର ଏବଂ ଆର୍ଥିକ ସହାୟତା ଯୋଗାଉଛି ।
ଦିବାନ ଆହୁରି କହିଛନ୍ତି ଯେ, ଆଜି ପର୍ଯ୍ୟନ୍ତ ପାକିସ୍ତାନ ଲସ୍କର-ଏ-ତୈଏବା ଏବଂ ଜୈଶ-ଏ-ମହମ୍ମଦ ଭଳି ସଂଗଠନକୁ ପାଣ୍ଠି ଯୋଗାଣରେ ସକ୍ଷମ ହୋଇପାରି ନାହିଁ, ତେଣୁ ପାକିସ୍ତାନକୁ ଫାଇନାନସିଆଲ ଆକ୍ସନ ଟାସ୍କ ଫୋର୍ସ ନିଷ୍ପତ୍ତି ନେଇଛିଯେ, ପାକିସ୍ତାନକୁ ଗ୍ରେ ସୂଚୀରେ ରଖାଯିବ। ଏହା ଏକ ସଠିକ ନିଷ୍ପତ୍ତି କାରଣ ଭାରତ ବାରମ୍ବାର ଟାର୍ଗେଟ କରୁଥିବା ଆତଙ୍କବାଦୀ ଲସ୍କର-ଏ-ତୈଏବା ଏବଂ ଜୈଶ-ଏ-ମହମ୍ମଦ ଭଳି ସଂଗଠନକୁ ପାକିସ୍ତାନ ଜମି ଦେଇଛି ।