ଭାଲୁ ବେଶରେ ଏୟାରପୋର୍ଟ କର୍ମଚାରୀଙ୍କ ମାଙ୍କଡ ଘଉଡା ଅଭିଯାନ, ଭିଡିଓ ଭାଇରାଲ

ଏ ଦୃଶ୍ୟ ହେଉଛି ଅହମ୍ମଦାବାଦସ୍ଥିତ ସର୍ଦ୍ଦାର ବଲ୍ଲଭଭାଇ ଏୟାରପୋର୍ଟର । ଯେଉଁଠାରେ ଦିନକୁ ଦିନ ବଢୁଥିବା ଲଙ୍ଗୁରଙ୍କ ଉତ୍ପାତ ପାଇଁ ନାକେଦମ ଏୟାରପୋର୍ଟ କର୍ମଚାରୀ ଏପରି ସମାଧାନର ବାଟ କାଢିଛନ୍ତି ।

ଗାନ୍ଧୀନଗର: ଲଙ୍ଗୁରମାନଙ୍କ ଉତ୍ପାତ ଦେଖି ଭାଲୁ ସାଜିଛନ୍ତି ବିମାନବନ୍ଦର କର୍ମଚାରୀ । ଆଉ ଭାଲୁ ବେଶରେ ବିମାନବନ୍ଦର କର୍ମଚାରୀଙ୍କର ଆରମ୍ଭ ହୋଇଛି ମାଙ୍କଡ ଘଉଡା ଅଭିଯାନ । ଏହା ଶୁଣିବାକୁ ଯେତିକି କୌତୁହଳିଆ ଲାଗୁଛି ଦେଖିବାକୁ ବି ସେତିକି କୌତୁହଳ । ଯାହାର ଭିଡିଓ ଏବେ ମୋବାଇଲରୁ ମୋବାଇଲ ଘୂରିବାରେ ଲାଗିଛି ।

ଏ ଦୃଶ୍ୟ ହେଉଛି ଅହମ୍ମଦାବାଦସ୍ଥିତ ସର୍ଦ୍ଦାର ବଲ୍ଲଭଭାଇ ଏୟାରପୋର୍ଟର । ଯେଉଁଠାରେ ଦିନକୁ ଦିନ ବଢୁଥିବା ଲଙ୍ଗୁରଙ୍କ ଉତ୍ପାତ ପାଇଁ ନାକେଦମ ଏୟାରପୋର୍ଟ କର୍ମଚାରୀ । ତେବେ ଏପରି ନିଆରା ସମାଧାନ କାଢିଛନ୍ତି ଏୟାରପୋର୍ଟ କର୍ମଚାରୀ । ଭିଡିଓରେ ଦେଖାଯାଉଛି କି କର୍ମଚାରୀଜଣକ ଏକ ଭାଲୁ ପୋଷାକ ପିନ୍ଧି ମାଙ୍କଡମାନଙ୍କୁ ଘଉଡାଇବାକୁ ଉଦ୍ୟମ କରୁଛନ୍ତି । ଆଉ ଭାଲୁ ଆକ୍ରମଣ କରୁଛି ଭାବି ପ୍ରାଣ ବିକଳରେ ଧାଇଁ ପଳାଉଛନ୍ତି ମାଙ୍କଡ ।

ଏ ଦୃଶ୍ୟଟି ଦେଖି ବେଶ ମଜା ନେଉଛନ୍ତି ଦର୍ଶକ । ଫଳରେ କମ ସମୟରେ ବେଶ ଭାଇରାଲ ହେବାରେ ଲାଗିଛି ଏହି ଭିଡିଓ । ତେବେ ପ୍ରାରମ୍ଭିକ ସମୟରେ ଯେବେ କର୍ମଚାରୀମାନେ ଏପରି ଉଦ୍ୟମରେ ମାଙ୍କଡ ଘଉଡାଇଥିଲେ ଏହା ସଫଳ ହୋଇଥିଲା । ଫଳରେ ଦୀର୍ଘ ସପ୍ତାହେ ହେବ କର୍ମଚାରୀ ଦୈନିକ ଏପରି ଭାଲୁ ପୋଷାକରେ ମାଙ୍କଡ ଘଉଡାଉଛନ୍ତି ।

@ANI