ଚେନ୍ନାଇ: ଏଆଇଏଡିଏମକେର ସ୍ଥାନୀୟ କାର୍ଯ୍ୟକର୍ତ୍ତା ଗିରଫ । ଏଆଇଏଡିଏମକେର ବେଆଇନ ବ୍ୟାନର ପଡି ଜଣେ ଇଞ୍ଜିନିୟର ଛାତ୍ରୀଙ୍କ ମୃତ୍ୟୁ ଘଟଣାରେ ଗତ ଶୁକ୍ରବାର ଏଆଇଏଡିଏମକେର ସ୍ଥାନୀୟ କାର୍ଯ୍ୟକର୍ତ୍ତା ଜୟଗୋପାଳଙ୍କୁ ପଶ୍ଚିମ ତାମିଲନାଡୁର କୁଷ୍ଣାଗିରୀ ଜିଲ୍ଲାରୁ ଗିରଫ କରାଯାଇଛି ।
ସୂଚନା ଅନୁୟାୟୀ, ଏଆଇଏଡିଏମକେର କାର୍ଯ୍ୟକର୍ତ୍ତା ଜୟଗୋପାଳ ପଲ୍ଲୀକରନଇ ଠାରେ ନିଜ ପୁଅ ବିବାହ ପାଇଁ ନେତାଙ୍କ ସ୍ବାଗତ ନିମନ୍ତେ ଏକ ବେଆଇନ ବ୍ୟାନର ଲଗାଇଥିଲେ ।
ଯାହାଫଳରେ ସେଠାରେ ଯାଉଥିବା ଶୁଭଶ୍ରୀ ନାମକ ଏକ ଇଞ୍ଜିନିୟର ଛାତ୍ରୀଙ୍କ ଉପରେ ବ୍ୟାନରଟି ପଡିଯାଇଥିଲା । ଏହାପରେ ସେ ଗାଡିରୁ ପଡିଯିବା ପରେ ପଛପଟୁ ଆସୁଥିବା ଏକ ଟ୍ରକ ତାଙ୍କୁ ଚାପି ଦେଇଥିଲା । ଫଳରେ ଘଟଣା ସ୍ଥଳରେ ଶୁଭଶ୍ରୀଙ୍କ ମୃତ୍ୟୁ ଘଟିଥିଲା ।
ତେବେ ଏହି ଘଟଣା ପରେ ଚେନ୍ନାଇ କର୍ପୋରେଶନ ଆସିଷ୍ଟାଣ୍ଟ ଇଞ୍ଜିନିୟର ଅମଲରାଜଙ୍କ ଦ୍ବାରା ଏଆଇଏଡିଏମକେର କାର୍ଯ୍ୟକର୍ତ୍ତାଙ୍କ ଉପରେ ବେଆଇନ ବ୍ୟାନର ଲଗାଇବା ଅଭିଯୋଗରେ ଏକ ମାମଲା ରୁଜୁ କରାଯାଇଥିଲା ।
ଏହାପରଠାରୁ ଗତ ଦୁଇ ସପ୍ତାହ ହେବ ଜୟଗୋପାଳ ଫେରାର ଥିଲେ । ତେବେ ଗତ ଶୁକ୍ରବାର ପୋଲିସ ତାଙ୍କୁ ଗିରଫ କରିବାରେ ସଫଳ ହୋଇଛି ।
